နားလည်ပေးပါ

သူငယ်ချင်းတို့ရေ ခုတလော Microsoft Exam ဖြေဖို့ လေ့လာနေလို့ သူငယ်ချင်း တို့ဆီ မလာနိုင်တာရော၊ ပို့စ်တွေ မတင်နိုင်သေးတာရော နားလည်ခွင့်လွတ် ပေးကြပါနော်... ဂျေပြောသလို ဘလော့ဂ်ဝါတွင်း ဥပုသ်စောင့် လိုက်ဦးမယ်... အဆင်ပြေရင် ပြေသလိုတော့ လိုက်လည်ဖြစ်သွားမှာပါ... လာလည်တဲ့ သူငယ်ချင်း တွေ အားလုံးကိုလည်း ကျေးဇူးအထူးပင် တင်ရှိပါတယ်...

မီးလေး ဧပရယ်လ်ခရီးမှတ်တမ်း - ၅

နေ့လည် ၁၁း၃၀နာရီမှာ ကျောက်ဆည်မြို့ကို ရောက်ပါတယ်။ နောက်နေ့ညနေမှာတော့ ရွှေသာ လျောင်းတောင် တက်ဖို့ပြင်ဆင်ကြပါတယ်။ ဓာတ်ပုံရိုက်ဖို့ ခရီးဆောင်အိတ်ထဲ ကင်မရာရှာစဉ်မှာတော့ ဘယ်မှာမှ ရှာမတွေ့ဘူး။ သေချာပြန်စဉ်းစားကြည့်တယ် ဘယ်လိုမှအဖြေမထွက်ဘူး သွားပြီ ကားပေါ်မှာ အနှိုက်ခံရပြီဆိုတာ သိလိုက်တယ်။ အိတ်က ကိုယ်နဲ့အတူလည်း မရှိဘူးလေ။ စာရေးသူ ခရီးဆောင်အိတ်က လော့နဲ့ဆိုတော့ လော့နံပါတ် သုံးလုံးလုံး သုညတွေဖြစ်နေတာကို မနေ့က အိတ်ဖွင့်တော့သိပေမဲ့ ဘာလို့ သုညတွေချဉ်း ဖြစ်နေတာပါလိမ့်ဆိုပြီး အမှုမဲ့ အမှတ်မဲ့ ထားလိုက်မိတယ်။ ကင်မရာကို ဘေးအိတ်ထဲမှာပဲ ထည့်ထားတာဆိုတော့ အလွယ်တကူ နှိုက်သွားတယ်ထင်တယ်။ နှမြောလိုက်တာ မပြောပါနဲ့တော့ တခါမှလည်း ပစ္စည်းအဲလို မပျောက်ဘူးတော့ အတော်လေးလည်း ခံစားရတယ်။ ပိုဆိုးတာက သွားထားတဲ့ ပုံတွေ ရိုက်ထားတာ ပါသွားလို့လည်း နှမြောမိတယ်။ အားရပါးရ အော်ငိုပစ်ချင်စိတ်ပေါက် လာတယ်။

စာရေးသူတို့လည်း ကားဂိတ်တွေသွားပြီး ကားနံပါတ်နဲ့ သွားစုံစမ်းတယ်။ ဂိတ်တွေ အများကြီးရှိလို့ ဘယ်ဂိတ်ကမှန်းလည်း မသိ။ ဆင်ခေါင်းကားဂိတ်က မနက်စောစောမှာ မန်းလေးက တက်လာတဲ့ ကားရော၊ ကျောက်ဆည်က ထွက်တဲ့ကားရော စုံလို့ အဲချိန်စောင့်ကြည့်ဖို့ ပြောပါတယ်။ စာရေးသူကလည်း မနက်ဆို သာစည်ဆက်သွားတော့မှာ။ သူတို့ပြောပုံအရတော့ ကားပေါ်ကဆင်းဆင်းချင်းမှာ ပစ္စည်းစစ်ရတယ်။ အဲ့အချိန် ပျောက်ရင် သူတို့တာဝန်မို့ ပြန်လျော်ပေးတယ်။ နောက်ပိုင်းမှဆိုရင်တော့ တာဝန်မယူဘူး ပြောတယ်။ စာရေးသူ လိုချင်တာ တာဝန်ယူတယ် မယူဘူးဆိုတာထက် ကိုယ့်ကင်မရာပဲ ပြန်လိုချင်တာပါ။ ကားသမား ပြန်လျော်ပေးတာလည်း မလိုချင်ပါဘူး။ သူတို့တာဝန်ပဲ ဆိုပေမဲ့ စိတ်ချလက်ချထားမိတဲ့ ကိုယ့်ကိုယ်ကိုပဲ အပြစ်တင်မိပါတယ်။ ခရီးသွားတာလည်း ခုလိုလည်း သွားဖူးတာ မဟုတ်တော့ ခုလို ပစ္စည်းပျောက်လိမ့်မယ် ဆိုတာလည်း မထင်ထားခဲ့ပါဘူး။
ကံကောင်းတာက သော့ဖွင့်မရသွားတာပါပဲ ခရီးဆောင်အိတ်ထဲမှာ နောက်ခရီးတွေသုံးဖို့ ပိုက်ဆံတွေပါတာမို့ အဲဒါတွေသာ ပါသွားရင် စာရေးသူ ရန်ကုန်တောင် ပြန်ရောက်ပါ့မလား မသိပါဘူး။ သူငယ်ချင်းအိမ်ကလည်း သူတို့ဆီလာရင်း ဖြစ်တာဆိုတော့ စိတ်မကောင်းကြဘူး။ ဒီလိုဖြစ်နေလို့လည်း မပြီးသေးဘူး စာရေးသူအမေက ခရီးထွက်ဖို့ ခဲယဉ်းလို့ တောင်ပေါ်လိုက်ပို့ ပေးရဦးမယ်လေ။ လမ်းဆုံးတာနဲ့အတူ ကင်မရာပေါ်မှာ စိတ်အစွဲအလန်းဖြစ်နေရင် ယူသွားတဲ့သူလည်း အပြစ်လွတ်နိုင်မှာ မဟုတ်ဘူးလေ။ ကိုယ့်အစွဲမပျောက်သ၍ သူလည်းခံနေရမှာမို့ စိတ်ကို ပိုင်းဖြတ်လိုက် ပါတယ်။ နိဗ္ဗန္န ပစ္စယော ဟောတုလို့ပဲ သတ်မှတ်လိုက်ပါတယ်။ တောင်တက်ရတာ ပျော်စရာကောင်းပါတယ်။ လှေကားထစ်တွေပေါ် ပြေးတက်လိုက်ကြ၊ မောလာရင် နားကြနဲ့ ပင်ပန်းတယ်လို့ မရှိပါဘူး။ တောင်ပေါ်က လေးမျက်နှာ ဘုရားမှာ ကင်မရာယူသွားတဲ့သူကို စာရေးသူ စိတ်ဆင်းရဲရသလို သူတို့ဘ၀တလျှောက်မှာ မကြုံရပါစေနဲ့လို့ ဆုတောင်းပေးရင်း ရေစက်ချလိုက်ပါတယ်။

မနက်ဖြန်သာစည်သွားဖို့အတွက် ပြင်ဆင်ရပါတယ်။ နောက်နေ့မနက် ၆း၃၀မှာ ကျောက်ဆည်ဘူတာရုံကို ထွက်လာခဲ့ကြပါတယ်။ သာစည်ကို လက်မှတ်နှစ်စောင်ဝယ်ပါတယ်။ ရန်ကုန်ထိတောင် ခုံမဲ့ပဲရလို့ စာရေးသူ တို့လည်း ခုံမဲ့ပဲ ရပါတယ်။ ရထားလာတယ်ဆိုရင်ပဲ တက်ရမဲ့အပေါက်ကို ပြေးရှာရပါတယ်။ နောက်ဆုံး ရိုးရိုးတန်း တံခါးတွေ ပိတ်ထားလို့ အထူးတန်းပေါက်က အတင်းတက်ကြရပါတယ်။ စာရေးသူတို့ လိုက်ပို့ ပေးတဲ့ ကောင်လေးတွေက ရထားပေါ်ထိ အိတ်တွေလိုက်ပို့ပေးလို့ လူပဲ တိုးတက်ရုံပါပဲ။ သူတို့ကိုလည်း ကျေးဇူးတင်မိပါတယ်။ ရထားပေါ်မှာ ခြေချစရာ နေရာတောင် အတော်ရှာရပါတယ်။

ဒီလိုနဲ့ပဲ ၉း၃၀မှာ သာစည်ဘူတာကို ဆိုက်ရောက်ခဲ့ပါတယ်။ ရထားပေါ်က ဆင်းမယ်ဆိုရင်ပဲ မန်းလေးက အကိုလာကြိုတာကို တွေ့ပါတယ်။ လာကြိုတဲ့သူရှိတော့ နည်းနည်းသက်သာတာပေါ့။ မန်းလေးက မမနဲ့ ကိုကြီးတို့ သားအမိ သုံးယောက်နဲ့ မမကလေး နှစ်ယောက်က မနေ့တည်းက သာစည်ရောက်နေကြတယ်လို့ သိရပါတယ်။ ခဏနား ရေမိုးချိုး ထမင်းစားပြီး အနားယူကြပါတယ်။ မနက်ဖြန် ရွှေညောင်သွားဖို့အတွက် ပြင်ဆင်ရပါတယ်။ မနက်၅နာရီခွဲမှာတော့ သာစည်-ရွှေညောင်ရထားနဲ့ ရွှေညောင်ကို ထွက်လာခဲ့ကြပါတယ်။ တောင်ပေါ်မြို့အလှကို ရထားပေါ်က ခံစားရတာ အရမ်းကို စိတ်ချမ်းသာခဲ့ပါတယ်။ စာရေးသူမှာ ကင်မရာရှိရင် တဖျပ်ဖျပ်နဲ့ ရိုက်နေရမှာ အမှန်ပဲ ဘလော့ဂ်အိမ်လေးမှာ ဓာတ်ပုံတွေ သူငယ်ချင်းတွေနဲ့ မျှဝေခံစားမယ်ဆိုတဲ့ စိတ်ကူးလေးလဲ ပျက်ခဲ့ရပြီပေါ့။

မီးလေး ဧပရယ်လ်ခရီးမှတ်တမ်း - ၄

နှစ်ဆန်းတရက်နေ့

ဒီနေ့မှာတော့ မနက်ပိုင်းမှာ မုန့်လုံးရေပေါ်လုပ်ပြီး အိမ်နီးနားချင်းတွေဝေပြီး နေ့လည်ပိုင်းမှာ စစ်ကိုင်းဘက်ကို ဘုရားဖူးထွက်ခဲ့ကြပါတယ်။ မန်းနဲ့စစ်ကိုင်းကြား မန်းလေးအထွက်နားမှာ စစ်ကိုင်းတောင်ပေါ်မှ ဘုရားအဆူပေါင်းများစွာတို့သည် အလွန်သပ္ပါယ်လှပါတယ်။ ရတနာပုံ တံတားသစ်ကနေ ဖြတ်ပြီး စစ်ကိုင်းတောင်ကို တက်လာတယ်ဆိုရင်ပဲ ဘုရားရိပ် တရားရိပ်နဲ့ အေးချမ်းတဲ့အရသာကို ခံစားခဲ့ရပါတယ်။ အသက်ကြီးလာရင် စစ်ကိုင်းချောင်ကို သွားလို့ပြောနေကြတဲ့ စကားလေးကိုလည်း သွားအမှတ်ရမိပါတယ်။ တောင်ပေါ်ကကြည့်ရင် စိမ်းလန်းစိုပြည်နေတဲ့ သစ်ပင်များ၊ စေတီပုတိုးတွေကို တွေ့ရပါတယ်။

ဥမင်သုံးဆယ်ဘုရား သွားရောက် ဖူးမြော်ခဲ့ကြပါတယ်။ ဘုရားပေါ်ကနေ အဆင်းမှာတော့ တောင်ပေါ် တက်လာတဲ့ ဟိုင်းလက်ကား တဆင်း ကားအင်ဂျင်ပိုင်း မီးလောင်နေလို့ ၀ရုန်းသုံးကား ဆင်းပြေးလာတဲ့ ဘုရားဖူးများကိုတွေ့ရပြီး ဆိုင်းခန်းတွေက ရေ၀ိုင်းပေးကြ ရေ၀ိုင်းသတ်ကြနဲ့ ခဏနဲ့ငြိမ်းသွားပါတယ်။ ဥမင် သုံးဆယ်ဘုရားကနေတဆင့် ဆွမ်းဦး ပုညရှင်ဘုရားကို သွားရောက်ဖူးမြော်ခဲ့ကြပါတယ်။ ထိုမှတဆင့် ကောင်းမှုတော်ဘုရားကို သွားခဲ့ကြပါတယ်။ ကောင်းမှုတော်ဘုရား ရင်ပြင်တော် ပတ်ပတ်လည်မှာရှိတဲ့ ဆိုင်ခန်းတွေကိုလည်း window shopping, eye shoppingလုပ်ရင်း သနပ်ခါးအစစ် မရနိုင်တဲ့ ရန်ကုန်အတွက် အရေးကြီးဆုံးက သနပ်ခါးတုံးတွေကို အလေးခံပြီး ၀ယ်ခဲ့ကြပါတယ်။ ညနေသုံးနာရီလောက်မှာ မန်းလေးကို ပြန်လာခဲ့ကြပါတယ်။
အိမ်ရောက်တယ်ဆိုရင်ပဲ ခဏနားပြီး မနက်ဖြန် ခရီးဆက်ဖို့ ပစ္စည်းတွေ သိမ်းဆည်းရပါတယ်။ စာရေးသူ အမေက မန်လေးဖိနပ်လိုချင်တယ်ဆိုလို့ မမနဲ့ ဖိနပ်ဆိုင်ကို ထွက်လာခဲ့ပါတယ်။ နှစ်ဆန်းတရက်နေ့ ဆိုင်တွေ ပိတ်တယ်ဆိုလို့ မ၀ယ်ဖြစ်ခဲ့ပါဘူး။ အိပ်ယာထဲ စောစောဝင်ပြီး အနားယူလိုက်ပါတယ်။ မနက်၆နာရီခွဲမှာ အိပ်ယာထပြီး ရေမိုးချိုးပြင်ဆင်ပြီး ၉နာရီလောက်မှာ ကားဂိတ်ကိုထွက်ခဲ့ကြပါတယ်။ ကားမောင်းတဲ့သူက ထမင်းအိမ်ပြန်စားလိုက်ဦးမယ် ပြန်လာရင် ကားထွက်မယ် ပြောပြီး ပြန်သွားလေရဲ့။ ကားခနှုန်းထားကပ်ထားတာကို ကြည့်လိုက်တယ်။ ၁၀နာရီထိုးခါနီးမှာ ကားထွက်ပါတယ်။

စပါယ်ယာက ကားခတောင်းပါတယ် စာရေးသူလည်း သူတို့တောင်းတဲ့အတိုင်းပဲ ပေးလိုက်ပါတယ်။ ကားပေါ်မှာ မကျေနပ်တဲ့အသံတွေ တယောက်တပေါက် ပြောကြပါတယ်။ ရှင်တို့တွေ မတရားတောင်းတယ်၊ ဟိုမှာကပ်ထားတော့တမျိုး နင်တို့တောင်းနေတာ တမျိုး၊ ဒီလမ်းနဲ့ ဒီလမ်း သွားနေကြ။ စပါယ်ယာက ပြောလိုက်ပုံကလည်း ရိုက်ပေါက်လေ၊ မင်းတို့တွေနော် ဒီလောက်မှမရလျှင် မလိုက်နဲ့လို့ အခြားကားတွေကို အော်ပြောလိုက်ပြီး ခရီးသည်တွေကိုလည်း မကျေနပ်ရင် မစီးနဲ့ပြောပါတယ်။ ဒီထပ်ပိုဆိုးတာက အသက် ၇၀ကျော် ၈၀နီးပါးရှိတဲ့ အဘွားတယောက်နဲ့ မြေးတယောက် တက်လာပါတယ်။ ခုံတွေလွတ်နေလို့ ကလေးက ထိုင်ခုံမှာ ထိုင်ပါတယ်။ စပါယ်ယာက ကလေးကို ပေါင်ပေါ်တင်ထိုင်နော် မထိုင်ရင် နှစ်ယောက်စာ ပေးရမယ်။ လူမရှိလို့ထိုင်တာ လူလာရင် ဖယ်ပေးမယ်လို့ အဘွားက ပြန်ပြောလိုက်ပါတယ်။ နောက်ကားခ တောင်းပါတယ် အဘွားက နီးနီးလေးကို ဒီလောက်မပေးနိုင်ဘူး နင်တို့တွေ မတရားမတောင်းနဲ့ သွားနေကျ သုံးရာပဲ… ဒါဆိုရတယ် နှစ်ယောက်စာပေးတဲ့။ အဘွားက ကလေးကို ပေါင်ပေါ်တင်မယ်လို့ ပြောလိုက်တယ်။ ပေါင်ပေါ် တင်လည်း ၅၀၀ပဲ မကျေနပ်ရင် မစီးနဲ့ ဆင်းသွားလို့ရတယ်လို့ ပြောပါတယ်။ အဘွားကလည်း ပိုမပေးဘူး ပြောပါတယ်။ တိုင်ချင်ရာတိုင် ဂိတ်က သတ်မှတ်ထားတဲ့ဈေးလို့ပြောပါတယ်။ အဲဒါမှမပေးရင် ခုဆင်းဆိုပြီး ရှေ့မှတ်တိုင် ကားရပ်နေစဉ်မှာ ဆင်းခိုင်းပါတယ်။ အဘွားလည်း မြေးခေါ်ပြီး ဆင်းသွားပါတယ်။

စာရေးသူ ထိုမြင်ကွင်းကို လုံးဝမကြည့်ရက်ပါဘူး။ ဒါပေမယ့် စပါယ်ယာပါးစပ်ဆိုတာ သိတဲ့အတိုင်း သူတို့နဲ့ ဖြစ်နိုင်ရင် စကားမပြောတာ အကြောင်းဆုံးလေ။ ထိုစပါယ်ယာမှာ မိခင်ရှိမယ်ဆိုရင်တောင် သူ့အမေ အရွယ်လောက် ရှိတာကို ရိုင်းရိုင်းစိုင်းစိုင်း ဆက်ဆံတာကို စာရေးသူ မကြိုက်ပါဘူး။ ရန်ကုန်မှာဆို ဂိတ်တွေကလည်း ဈေးနှုန်းပြောင်းတယ်ဆိုရင် ချက်ချင်းကားထဲမှာ ရေးထားတဲ့ ဈေးနှုန်းကို ပြောင်းကြပါတယ်။ ဈေးနှုန်းကို ရေးထားတဲ့ဈေးနှုန်းထက် ပိုတောင်းခဲ့ရင် ကျေနပ်မှုမရှိက တိုင်ကြားရန်ဆိုတဲ့ ဖုန်းနံပါတ်ကနေ လှမ်းတိုင်နိုင်သလို အရေးယူပေးပါတယ်။ စာရေးသူ စဉ်းစားမိတာက တိုင်မဲ့သူမရှိလို့ ဒီလိုဖြစ်နေတာလား၊ တကယ်ပဲ ဂိတ်က ဈေးနှုန်းပြောင်းပြီး ကားထဲမှာရေးထားတဲ့ ဈေးနှုန်းတွေ မပြောင်းပေးသေးတာလား၊ ဒါမှမဟုတ် စပါယ်ယာတွေကပဲ အလွှဲသုံးစားလုပ်နေတာလား၊ ကျေနပ်မှုမရှိက တိုင်ကြားရန်ဆိုတဲ့ ဖုန်းကို မန်းလေးကလူတွေအတွက် ဖုန်းဆက်ပြီး လှမ်းတိုင်ရမလားဆိုပြီး စဉ်းစားမိပါသေးတယ်။ နောက်တော့ သူ့နယ်မြေအထာမသိလို့ ဒီအတိုင်းပဲ အသာနေလိုက်ပါတယ်။ တိုင်မယ့် ပြောမယ့်သူမရှိရင် မန်းလေးမှာ လိုင်းကားစီးပြီး သွားလာလှုပ်ရှားရတဲ့ သူတွေ ဒီဒုက္ခကို အမြဲရင်ဆိုင်နေကြရမှာပါ။

စာရေးသူတို့လည်း စာကြည့်တိုက်မှာဆင်းလိုက်ပြီး ကျောက်ဆည်-မန်းလေးကားကို စောင့်နေလိုက်ပါတယ်။ အထုပ်အပိုးတွေနဲ့ စောင့်နေတာကို မြင်တာနဲ့တင် ကွေ့လာတဲ့ကားတစီးက ရပ်ပြီး လိုက်မှာမလားဆိုပြီး အထုပ်တွေ ဆွဲတင်ပါတော့တယ်။ နေရာကြည့်တော့ ထိုင်စရာမရှိ ကားကပြည့်နေပြီ၊ ခေါင်းခန်းမှာ တနေရာ ရှိတယ်ဆိုပြီး စာရေးသူအမေကို ခေါ်သွားပါတယ်။ စာရေးသူကို နေရာလုပ်ပေးမယ်ဆို တက်ခိုင်းပြီး ကားက မောင်းထွက်သွားပါတယ်။ ဟိုက်… ရှာလပတ်ရည် စာရေးသူကား တွယ်စီးနေရပါတယ်။ တခါမှလည်း အဲလို စီးဖူးတာ မဟုတ်တော့ အတော်ကြောက်မိပါတယ်။ မျက်စိမှိတ်ပြီး လိုက်လာခဲ့တယ်။ မန်းလေးကားကြီး ၀န်းနားမှာ ကားရပ်တော့ ကားစပါယ်ယာက ထိုင်ခုံလာပေးပါတယ်။ လာပေးပေမဲ့ ခုံက ထားစရာနေရာမရှိတော့ နောက်ဖုံးဖွင့်ထားတဲ့ပေါ်မှာ ခုံတင်ပြီး ထိုင်စီးရပေမဲ့ ပြုတ်ကျမှာစိုးလို့ မှီရာဆွဲကိုင်ထားရပါတယ်။