ဗီးနပ်စ်၊ ဂျူပီတာ၊ လ

အမှတ်မထင် ကောင်းကင်ကို မော့ကြည့်လိုက်တဲ့အချိန်မှာ ကောင်းကင်မှာ ပြုံးနေတဲ့ smiley ပုံလေးတပုံ ပေါ်နေပါတယ်... အဲဒါတွေကတော့ မောင်လမင်းရယ်၊ မောင်ဂျူပီတာ ကြာသပတေးသားရယ်၊ မောင်ဗီးနပ်စ်ခေါ် သောကြာသားရယ် ပေါင်းစုံပြီး အပြုံးတစ်ပွင့် ဖန်ဆင်းပေးထားတာပါ... မီးလေးအမြင်ကတော့ အရမ်းကို လှပပြီး ကြည်နူးဖို့ကောင်းတဲ့ ညလေးတည ပိုင်ဆိုင်ရသလိုပါဘဲ... နားလည်တတ်ကျွမ်းတဲ့ လူကြီးတွေကတော့ နိမိတ်မကောင်းဘူးလို့ ပြောကြပါတယ်... ဒါပေမဲ့ သိပ်လှလွန်းလို့ ရိုက်ထားတဲ့ ဓာတ်ပုံလေး တင်ပေးလိုက်ပါတယ်နော်...

အင်တာနက် လေပြေ

"အင်တာနက်ကို မုန်းတယ်.... မိန်းမတွေကို မုန်းတယ်... ကိုယ့်ကိုယ်ကို အမုန်းဆုံးပဲ"

သန်းခေါင်ယံ ည(၁၂)နာရီတွင် အင်တာနက်ပေါ်သို့ သူတက်အလာကို စောင့်နေတတ်သည်မှာ ကျွန်မအတွက် အကျင့်တစ်ခုလို ဖြစ်နေသည်။ အခန်းထဲတွင် မီးများကို ပိတ်ပြီး ကျွန်မတစ်ယောက်တည်း ထိုင်နေမိသည်။ ကွန်ပျူတာ screen ပေါ်မှ ဖြာကျလာသော ပြာလဲ့လဲ့ မီးရောင်မှလွဲ၍ အခန်းတစ်ခုလုံး မှောင်အတိကျနေသည်။ သူ၏ screen name မှာ (midnight)ဖြစ်ပြီး သန်းခေါင်ယံည(၁၂)နာရီတိတိတွင် online ပေါ်သို့ တက်လာတတ်သည်။ ကျွန်မမှာ ညတွင်မအိပ်ဘဲ အင်တာနက်ပေါ်တွင် ခြေဆန့်နေတတ်သော ဇီးကွက်တစ်ကောင်ဖြစ်သည်။ ပထမဆုံးအကြိမ် ကျွန်မဆီပို့သော သူ၏ message မှာ ထိုစာကြောင်းလေးဖြစ်သည်။

"အင်တာနက်ကို မုန်းတယ်.... မိန်းမတွေကို မုန်းတယ်... ကိုယ့်ကိုယ်ကို အမုန်းဆုံးပဲ"
ထိုစာကြောင်းကို ဖတ်ပြီး ကျွန်မစိတ်ဝင်စားသွားမိသည်။ ကျွန်မလည်း ဘာလုပ်ရမှန်းမသိ ပျင်းနေသည့် အချိန်မို့ စာတစ်ကြောင်းရိုက်ပြီး ပို့လိုက်မိသည်။ ကျွန်မပို့သော စာကိုဖတ်ပြီး သူပေါက်ကရထပ်ပြောတော့မည် မဟုတ်ဟု ကျွန်မတွေးမိသည်။

"ကိုယ့်ကိုယ်ဒီလောက်မုန်းနေရင် သွားသေလိုက်ပါလား"
သို့သော် တစ်မိနစ်မျှပင် မကြာလိုက်....
"ဟုတ်တယ်.. ကျွန်တော်က အခုသရဲလေ"
"ဟား....သရဲဖြစ်ရတာပျော်လား"
"ကျွန်တော် မပျော်ပါဘူး။ ကိုယ့်ကိုအဆုံးစီရင်မိတဲ့အတွက် ကျွန်တော်မကျွတ်ဘူး"
"ဟား...ဟား.. အချစ်အတွက်ကြောင့်လား"

ဒီလိုနှင့် စာတွေ အပြန်အလှန်ပို့ကြရင်း သူနှင့် ကျွန်မ online သူငယ်ချင်း ဖြစ်သွားကြသည်။ သူသည် သူ့ကိုယ်သူ တစ္ဆေတစ်ကောင်အဖြင့် သတ်မှတ်ထားသော ယောကျာ်းလေးတစ်ယောက် ဖြစ်သည်။ သူသည် ညတိုင်း သန်းခေါင်ယံအချိန်တွင် တိကျစွာonline ပေါ်သို့ ရောက်လာတတ်သည်။ ထိုအပြုအမှုများကြောင့် သူ့ကို အံ့သြထိန့်လန့်စွာ ကျွန်မပိုစိတ်ဝင်စားမိသည်။ တစ္ဆေသရဲ အင်တာနက် သုံးပါ့မလား... ဒါဟာ တိုက်ဆိုင်တဲ့ နောင်ပြောင်မှု တစ်ခုပဲဖြစ်မည်ဟု ကျွန်မ ဖြေသိမ့်မိသည်။ သူသည် အရင်ကတည်းက ကျွန်မ၏ရုပ်ရည်ကို မြင်ဖူးထားသည့်အလား ဘယ်တော့မှ ကျွန်မ၏ ပုံပန်းသဏ္ဍာန်ကို မမေးဖူးခဲ့။ တစ်ခါတရံ သူသည် ကျွန်မဘေးတွင်ရှိနေခဲ့ပြီး ကျွန်မကို ထိုင်ကြည့်နေသည်ဟု ခြောက်တတ်သေးသည်။

"ကျွန်မ အခုဘာလုပ်နေလဲ"
တစ်ခါတရံ နောက်ပြောင်ပြီး သူ့ကို ကျွန်မမေးဖူးသည်။ ခဏမျှ သူနှုတ်ဆိတ် နေတတ်ပြီး...
"တော်ပါပြီ... ကျွန်တော်မပြောချင်ဘူး.. ပြောလိုက်ရင် လန့်သွားဦးမယ်"
"ကော်ဖီတွေ သိပ်မသောက်နဲ့လေ"
"ပုံဆိုးပန်းဆိုး ထိုင်မနေနဲ့လေ"
တစ်ခါတရံ ကျွန်မ မျှော်လင့်မထားသော စကားများကို သူပြောတတ်သည်။ ထိုစာရသော အချိန်တွင် တိုက်ဆိုင်စွာ ကျွန်မမှာ ကော်ဖီသောက်နေသည့်အချိန် (သို့) ထိုင်ခုံပေါ်တွင် ခြေအစုံကို စုတင်ပြီး ငုတ်တုတ်ထိုင်ကာ ကျွန်ပျူတာကို စိုက်ကြည့်နေသည့် အချိန်ဖြစ်သည်။

ကျွန်မနှင့် chatting လုပ်နေသော အချိန်များတွင် သူ့ဘ၀နောက်ကြောင်းကို ပြောပြတတ်သည်။ သူသည် အသက်(၂၃)နှစ်ဖြစ်ပြီး chat room ထဲမှ မေ"ဟုခေါ်သော မိန်းကလေးတစ်ယောက်ကို အစွဲအလမ်းကြီးစွာ ချစ်မိခဲ့ကြောင်း၊ မေ"ကြောင့် သူ့ကိုယ်သူ အဆုံးစီရင်မိကြောင်း၊ အင်တာနက်ကို ပထမဦးဆုံး ထိတွေ့မိသည့် သူ့အဖို့ chatting ဟုခေါ်သော အင်တာနက် စကားဝိုင်း၏ လှည့်စားမှုကို နားမလည်ခဲ့ကြောင်း၊ မေ"၏ဖော်ရွေသော အပြောအဆိုများပေါ်တွင် သူသာယာမိကြောင်း ကျွန်မကို ပြောပြတတ်သည်။ အင်တာနက်တွက် ဆရာတစ်ဆူလို ဖြစ်နေသော မေ"မှာ သူ မသိနားမလည်သည်များကို သင်ပြတတ်သည်။ မေ"၏ နွေးထွေးသော အပြောများကြောင့် chatroomထဲ သူအမြဲဝင်ဖြစ်ခဲ့သည်။ chatroom ထဲဝင်တိုင်း မေ"မှလွဲ၍ မည်သူနှင့်မျှ သူစကားမပြောပေ။

"ကျွန်တော် မေ့ကို ချစ်တယ်.... ကျွန်တော်ရဲ့ အင်တာနက်ချစ်သူ လုပ်နိုင်မလား"
"အင်တာနက် ချစ်သူအတွက် ဘာကောင်းကျိုးရှိလဲ"
"ကျွန်တော့်မှာ မေကိုပေးဖို့အတွက် အချစ်တွေ အပြည့်ရှိပါတယ်"
"အချစ်... အဟား... မေမှာ ပေါလွန်းလို့ကွယ်"
"ဒါဆို မေလိုချင်တာ ကျွန်တော်အကုန်ပေးမယ်"
"အသက် ယူမယ်ဆိုရင် ပေးနိုင်မလား"
"ကောင်းပြီလေ"

မေ"၏အချစ်ကို ရဖို့အတွက် အရာရာကို သူစွန့်လွတ်ရဲခဲ့သည်။ မေ"၏ စကားလုံး ချိုချိုလေးများကြား သူမိန်းမော သာယာနေခဲ့မိသည်။ ကြာတော့ အင်တာနက်ထဲတွင် ပြောရသည်ကို သူ အားမရတော့။ မေ"ကို အပြင်လောကတွင် သူတွေ့ချင်လာသည်။ လူကိုယ်တိုင်တွေ့ပြီး မေ"ကို ပွေ့ဖက်နမ်းရှုပ်ချင်မိသည်။ မေ" ကိုအပြင်တွင် တွေ့ရန်၊ ဖုန်းဆက်ခွင့် ပေးရန် သူတောင်းဆိုမိသည်။ မေ"က တောင်းဆိုမှုတွေ များလွန်းနေပြီဖြစ်ကြောင်း၊ တွေ့ခွင့်မပေးနိုင်ကြောင်း အပြင်းအထန် ငြင်းဆန်ခဲ့သည်။ နောက်ပိုင်းတွင် သူ့အပေါ် မေ"၏ဆက်ဆံမှုများက အေးစက်လာခဲ့သည်။ မေ"ပို့လာသော စာကြောင်းများကို ဖတ်ခြင်းဖြင့် သူ့အပေါ်တွင် မေ"စိတ်ကုန်လာပြီဖြစ်ကြောင်း သိသာနေသည်။

ညတိုင်း သန်းခေါင်ယံအချိန်တွင် သူသည် အချိန်တိကျစွာ onlineပေါ်သို့ ရောက်လာပြီး သူနှင့်မေ"၏ ပုံပြင်ကို ကျွန်မအား ပြောပြတတ်သည်။ တစ်ခါတရံ သူ၏လုပ်ရပ်များကို ကျွန်မ မထောက်ခံမိသော်လည်း ညတိုင်း online တက်ပြီး သူပြောသော ပုံပြင်ကို နားထောင်သည့်အလုပ်မှာ ကျွန်မအတွက် မလုပ်မဖြစ် အလုပ်တစ်ခု ဖြစ်လာခဲ့သည်။

"ဘာဖြစ်လို့ မီးမဖွင့်တာလဲ... အလင်းပြန်နေတာ မျက်စိပျက်မယ်နော်"
"ဘာပြောချင်တာလဲ.. ကျွန်မကို ထိုင်ကြည့်နေပြန်ပြီလို့ ခြောက်လှန့်ချင်တာလား"
"ကျွန်တော် တကယ်ထိုင်ကြည့်နေတယ်လေ... ဘာလဲ မယုံသေးဘူးလား"

ကျွန်မ ဘာပြန်ပြောရမှန်း မသိတော့။ တစ်ခါတလေ ကျွန်မကိုယ်တိုင်ပင် အနားတွင် သူရှိနေသည်ဟု ယုံမှား သံသယ၀င်မိတတ်သည်။ ၀ိညာဉ်၏ သံလိုက်ဓာတ်နှင့် အင်တာနက်၏ သံလိုက်လှိုင်းများ တစ်ခါတရံ ဆွဲငင်တတ်သည်ဟု သူငယ်ချင်းများက ပြောဖူးသော်လည်း ကျွန်မ အယုံအကြည် မရှိခဲ့။ ထူးဆန်းသည်မှာ သူ့ကို ကျွန်မနည်းနည်းမှ ကြောက်မနေခြင်းပင်ဖြစ်သည်။

"ခင်ဗျားက ထူးခြားတယ်"
"ဘာဖြစ်လို့လဲ"
"ခင်ဗျား ကျွန်တော့်ကို မကြောက်လို့ ကျွန်တော်က သရဲဆိုတာ တကယ်မယုံလို့လား"
"ကျွန်မ တစ္ဆေသရဲတွေ အယုံအကြည် မရှိဘူး"
သူပြောသမျှကို နားထောင်ပြီး မနက်မိုးလင်းမှ ကျွန်မအိပ်ယာဝင်ဖြစ်သည်။ မနက်ပိုင်းတွင် နေမြင့်မှ ထတတ်သော အကျင့်ကြောင့် ကျွန်မ၏ အတန်းချိန်များကို ညနေပိုင်းတွင်သာ ရွေးထားသည်။ ဒီနေ့အတန်းဆင်းချိန်တွင် ကျွန်မခေါင်းတွေ လေးလံပြီး ကိုယ်လက်မအီမသာ ဖြစ်နေသည်။ အိမ်အရောက် ဆေးသောက်ပြီး midnight online ပေါ်သို့ တက်လာချိန်မှ ထတော့မည်ဟု စိတ်ကူးနှင့် ကျွန်မအိပ်လိုက်သည်။

အိပ်ပျော်ပြီး သိပ်မကြာလိုက် စိတ်ထဲတွင် တကယ့်အဖြစ်လိုလို အိပ်မက်လိုလို ယောက်ျားလေးတစ်ယောက် ကျွန်မအခန်းထဲသို့ ၀င်လာသည်ဟု ခံစားမိသည်။ ကျွန်မထထိုင်ဖို့ ကြိုးစားသော်လည်း ဘယ်လိုမှ ထမရခဲ့။ ထိုယောက်ျားလေးမှာ အပြာနုရောင် ည၀တ်အင်္ကျီကို ၀တ်ဆင်ထားသည်။ ရုပ်ရည်မှာ သန့်ပြန့်နေသော်လည်း မျက်နှာမှာ သွေးဆုတ်ပြီး ဖြူရော်နေသည်။ အကြည့်မှာ နူးညံ့သိမ်မွေ့သည်။ ကျွန်မ ကုတင်နားသို့ ချည်းကပ်လာပြီး ကျွန်မ၏ဆံပင်များကို ပွတ်သပ်နေသည်။ ထို့နောက် ကျွန်မမျက်နှာကို ညင်သာစွာ ပတ်သပ်ပေးပြီး "ကိုယ့်ကိုယ်ကောင်းကောင်း ဂရုစိုက်လေ" ဟုပြောပြီး ပျောက်ကွယ်သွားသည်။ ကျွန်မမျက်စိကို အားယူဖွင့်လိုက်မိသည်။ နာရီကို ကြည့်လိုက်တော့ ည ၁၂နာရီ ၁၀မိနစ်။ ကျွန်မ ကုတင်ပေါ်မှ ခုန်ဆင်းပြီး ကွန်ပျူတာကို အလျှင်အမြန်ဖွင့်လိုက်သည်။ လိုင်းချိတ်နေချိန်တွင် ထိုအဖြစ်အပျက်မှာ တကယ်လား၊ အိပ်မက်လား ဆိုသည်ကို ကျွန်မ တွေးနေမိသည်။ အိပ်မက်ဖြစ်သည်ထားဦး.. ဘာကြောင့် ထိုလူ့ ရုပ်ရှည်ကို ကျွန်မကောင်းကောင်း မှတ်မိနေပါလိမ့်။ ကျွန်မ ဝေခွဲမရဖြစ်နေချိန်တွင် ဖန်သားပြင်ပေါ်တွင် စာတစ်ကြောင်းပေါ်လာသည်။

"ကိုယ့်ကိုယ်ကောင်းကောင်း ဂရုစိုက်လေ"
ကျွန်မ တစ်ကိုယ်လုံး တောင့်တင်းသွားသည်။ အိပ်မက်ထဲက စကားနှင့် တစ်ထပ်တည်းပါလား...
စာကြောင်းရေးပို့လိုက်သူမှာ ကျွန်မနှင့် ညတိုင်း chatting လုပ်နေသော သူ့ကိုယ်သူ တစ္ဆေသရဲပါဟု ပြောသော midnight.... ကျွန်မ အသက်ရှူဖို့ ခေတ္တမေ့နေခဲ့ပြီး ကွန်ပျူတာ ဖန်သားပေါ်က စာကိုသာ မျက်တောင်မခတ် ကြည့်နေမိသည်။ သူဟာ ကျွန်မလို လူစင်စစ်တစ်ယောက်ဖြစ်ကြောင်း ကျွန်မကိုယ်ကျွန်မ အသိပေးနေမိသည်။

"တစ်ယောက်ထဲနေရင် အစာတွေကို ပုံမှန်စားရမယ်လေ"
ကျွန်မ ပြန်မပြောသည်ကို သူသတိထားမိပုံ မရ။ သူပြောချင်တာကို ပြောနေသည်။
"ရှင်အခု ဘယ်မှာလဲ... ကျွန်မ အခန်းထဲမှာပဲလား.. ဟုတ်တယ် မဟုတ်လား" ကျွန်မ ထိန့်လန့်စွာ မေးလိုက်သည်။
"ခင်ဗျား ဘယ်လို အဖြေမျိုးကို လိုချင်လဲ"
"တိကျတဲ့ အဖြေမှန်ကို ကျွန်မလိုချင်တယ်"
"ခင်ဗျား ခရမ်းနုရောင် ည၀တ်အင်္ကျီကို ၀တ်ထားတယ်။ အင်္ကျီအောက်မှာ အိတ်ကပ်လေးနှစ်ခုပါတယ်။ အိတ်ကပ်ပေါ်မှာ လိပ်ပြာပုံဖဲပြားလေးပါတယ်။ စားပွဲခုံပေါ်မှာ ခင်ဗျားသောက်နေကျ ကော်ဖီခွက်လေး တင်ထားတယ်။ ဒီညတော့ ခွက်ထဲမှာ ကော်ဖီ ရှိမနေဘူး။ ခင်ဗျား အိပ်ပျော်သွားလို့ ကော်ဖီမဖျော်ရသေးဘူး။ ဖြစ်နိုင်ရင် ကော်ဖီ မသောက်ပါနဲ့လား.... ခင်ဗျား ဖျားနေပြီ"

ဖန်သားပေါ်က ဆက်တိုက်ပေါ်လာသော စာများကို ဖတ်ရင်း ကျွန်မနှလုံးသွေးများပင် ရပ်တန့်သွားပြီလားဟု ထင်မိသည်။ ကျွန်မဘာမှ ပြန်မပြောနိုင်တော့... ကွန်ပျူတာ ပါဝါခလုတ်ကို အမြန်ဆုံးပိတ်ပြီး ကုတင်ပေါ်သို့ ခုန်တက်ကာ စောင်ကို ခေါင်းမြီးခြုံထားလိုက်သည်။ ကျွန်မဘေးတွင် သူရှိနေသည်။ ကျွန်မ အခန်းထဲတွင် တကယ်ရှိနေခဲ့လို့လည်း ကျွန်မ၏ ၀တ်စားဆင်ယင်မှုတွေ၊ ကျွန်မ၏အကျင့်တွေကို သူသိနေခဲ့ခြင်းဖြစ်သည်။ ညတိုင်း online ပေါ်သို့ ပုံမှန်တက်ပြီး သူ့ကိုစောင့်နေတတ်သော ကျွန်မ၏ တုံးအအ အပြုအမှုများကို သူအရင်ကတည်းက စောင့်ကြည့်နေပုံရသည်။ သူစောင့်ကြည့်နေသည် ဆိုသည့်အတွေးနှင့် ကြောက်စိတ်ကြောင့် ကျွန်မတစ်ကိုယ်လုံး စောင်ထဲတွင် တုန်နေမိသည်။ မည်မျှကြာကြာ တုန်လှုပ်နေမိသည် မသိ။ ညနေက သောက်ထားသော ဆေးအရှိန်ကြောင့် ကျွန်မ တဖြေးဖြေး အိပ်ပျော်သွားသည်။ မှုန်ဝါးဝါး ကျွန်မ၏ မသိစိတ်ထဲတွင် သူသည် ကုတင်ဘေးတွင် ထိုင်ရင်း ကျွန်မအား ကရုဏာသက်စွာ ကြည့်နေသည်။ နောက်တွင် ကျွန်မ နှစ်နှစ်ခြိုက်ခြိုက် အိပ်ပျော်သွားတော့သည်။

မနက်နိုးလာသည့် အချိန်တွင် ကျွန်မ အပူချိန်တက်နေသည်။ တစ်ကိုယ်လုံး ပျော့ခွေနေပြီး လမ်းလျှောက်ဖို့ရန် အင်အားပင် မရှိတော့။ ညတုန်းက အဖြစ်အပျက်ကို ပြန်စဉ်းစားမိသည်။ သူသည် နေ့ခင်းတွင် ကျွန်မဘေးတွင် ရှိနေမည် မဟုတ်ဟု ထင်မိသည်။ တစ္ဆေသရဲများသည် အလင်းရောင်ကို ကြောက်ကြသည် မဟုတ်ပါလား..။ ကျွန်မ ကုတင်ပေါ်မှ အားယူထလိုက်သည်။ ကော်ဖီဖျော်ရန် ရေနွေးတည်နေရင်း ညက သူပြောခဲ့သော စကားကို ပြန်သတိရမိသည်။

"ဖြစ်နိုင်ရင် ကော်ဖီ မသောက်ပါနဲ့လား.. ခင်ဗျား ဖျားနေပြီ"
ကော်ဖီကို ကျွန်မ ဆက်မဖျော်မိတော့။ ညတုန်းက မြင်ခဲ့ဖူးသော သူ့ပုံရိပ်ကို ကျွန်မမြင်ယောင်မိသည်။ သူသာ တစ္ဆေမဟုတ်ခဲ့လျှင် မိန်းကလေးများ ၀ိုင်းဝိုင်းလည်နေသော ရုပ်ရှည်ရှိသူဖြစ်သည်။ သူ၏ခံစားချက်များကို နားထောင်ပြီး သူ့အပေါ် ကျွန်မ သနားမှုတွေ ပိုသွားပြီလား...သူ့ကို ကျွန်မ ချစ်မိသွားပြီမလား.. တစ္ဆေတစ်ကောင်ကို ကျွန်မချစ်မိသွားပြီလား... ဘယ်လောက် စိတ္တဇဆန်တဲ့ အပြုအမှုလဲနော်...

သူပြောပြဖူးသော သူ့အကြောင်းများကို ကျွန်မပြန်စဉ်းစားမိသည်။ သူ့အပေါ် မေ" ဆက်ဆံရေးကျဲလာခဲ့သည် ဆိုသည့်အထိပဲ ကျွန်မသိခဲ့သည်။ သူ့လို ရုပ်ရည်ချောမောသည့် လူကို မေ" ဘာကြောင့်များ ငြင်းဆန်ခဲ့သလဲ.. ကျွန်မသိချင်လာမိသည်။ သူဘာကြောင့် ကိုယ့်ကိုယ် အဆုံးစီရင်ခဲ့လဲ... "အင်တာနက်ကို မုန်းတယ်.. မိန်းမတွေကိုမုန်းတယ်" ဟုပြောပြီး ဘာကြောင့် ထိုအကြောင်းများကို အင်တာနက်ပေါ်က ကျွန်မအား ပြောပြနေသလဲ.. ကျွန်မသိချင်စိတ် ပိုပြင်းပြလာခဲ့သည်။

ညအမှောင်ထု၏ တဖြေးဖြေး ၀င်ရောက်လာမှုက ကျွန်မစိတ်ကို ပိုလှုပ်ရှားစေခဲ့သည်။ သိချင်စိတ်များကြောင့် ည ၁၁နာရီ မိနစ် ၅၀တွင် ကျွန်မ အခန်းမီးများကို ဖွင့်ပြီး ကွန်ပျူတာရှေ့တွင် ထိုင်နေမိသည်။ မည်မျှပင် သတ္တိရှိသည်ထားဦး တစ္ဆေတစ်ကောင်နှင့် အမှောင်ထဲတွင် ကျွန်မ ထိုင်ရဲမည်မဟုတ်။ ကိုယ်ရောင် ဖျောက်ထားသော တစ္ဆေတစ်ကောင်ကို ကျွန်မ မမြင်မတွေ့နိုင်မှန်း သိနေသော်လည်း တံခါးပေါက်ဘက်သို့ ကျွန်မ မကြာခဏ လှည့်ကြည့်နေမိသည်။ သူ့ကို ကျွန်မစောင့်နေကြောင်း သူ့အား သိစေချင်သေးသည်။

ည ၁၂ နာရီ ၀၁ မိနစ်... နံရံပေါ်တွင် ချိတ်ဆွဲထားသော နာရီလက်တံ၏ တစ်ချောက်ချောက် အသံမှလွဲ၍ တစ်ခန်းလုံး တိတ်ဆိတ်နေသည်။ ဒီည သူလာပါဦးမလား...။မနေ့ညက ကျွန်မ အပြုအမှုကြောင့် ဒီည သူထပ်လာပါ ဦးမလား...

"တစ်ခန်းလုံး မီးတွေ ထိန်နေအောင် ဖွင့်ထားတာ ကျွန်တော့်ကို ကြောက်သွားပြီလား"
သူလာပါပြီ.... ကျွန်မ ၀မ်းသာသွားမိသည်။ သူ့ကိုမေးဖို့ မေးခွန်းတွေ ကျွန်မမှာ အများကြီးရှိသေးသည် မဟုတ်ပါလား..။

"နည်းနည်းတော့ ကြောက်မိပါတယ်"
ကျွန်မ စာပြန်မရိုက်ဘဲ ပါးစပ်က တိုးတိုးလေး ရေရွတ်လိုက်မိသည်။ သူသာ ကျွန်မအခန်းထဲတွင် ရှိနေခဲ့လျှင် ကျွန်မပြောသမျှ သူကြားနိုင်လိမ့်မည်ဟု ကျွန်မထင်သည်။ ယခု အဖြစ်အပျက်မှာ တစ်ယောက်ယောက်က နောက်ပြောင်နေသည်ဟု ကျွန်မ မျှော်လင့်ချင်သေးသည်။

"ခင်ဗျား အရင်က ကျွန်တော့်ကို မကြောက်ပါဘူး။ ကျွန်တော် စိတ်မကောင်းဘူးဗျာ"
"အရင်တုန်းက တစ်ယောက်ယောက်က နောက်ပြောင်နေတယ်လို့ ကျွန်မထင်ခဲ့တယ်လေ။ တကယ့်သရဲ ဖြစ်မယ်မှန်း တွေးမထားမိဘူး"
"အခု ခင်ဗျား သိပြီလေ။ ကျွန်တော်နဲ့ ဆက်စကားပြောနေဦးမလား"
"အင်း... ပြောမယ်။ ကျွန်မသိချင်တာတွေ မေးရဦးမယ်" ကျွန်မ အသက်ကို ပြင်းပြင်းလေး ရှူသွင်းလိုက်မိသည်။
"မေနဲ့ ရှင့်အကြောင်းကို အစအဆုံး ပြောပြနိုင်မလား"

"မေဟာ ကဝေမတစ်ယောက်ပါ။ လှည့်စားတတ်တဲ့ ကဝေမ... ကျွန်တော်နဲ့ချစ်သူတွေ မဖြစ်ခင်ကတည်းက သူ့မှာ လက်ထပ်ရမဲ့သူရှိပြီးသား.. အင်တာနက်မှာ ကျွန်တော်နဲ့ ချစ်တယ်ဆိုတာကလည်း သူ့အတွက် အပျင်းပြေဖို့ သက်သက်ပဲ။ ကျွန်တော့်ကို အရုပ်တစ်ရုပ်လို သူသဘောထားခဲ့တယ်။ ကျွန်တော့်ရဲ့ ခံစားချက်ကို သူအမျိုးမျိုး လှည့်စားခဲ့တယ်"

"ရှင် ဘယ်လိုလုပ်သိလိုက်တာလဲ"

"သူနဲ့တွေ့နိုင်ဖို့ ကျွန်တော် အမျိုးမျိုး ကြိုးစားခဲ့တယ်။ အကြိမ်ကြိမ်လည်း တောင်းဆိုခဲ့တယ်။ သူ့ကို မဖြစ်ဖြစ်တဲ့နည်းနဲ့ ကျွန်တော်တွေ့နိုင်အောင် ကြိုးစားမယ်လို့လည်း ပြောခဲ့တယ်။ ထူးထူးဆန်းဆန်းပဲ ကျွန်တော့်ကို သူတွေ့မယ်လို့ ခွင့်ပြုခဲ့တယ်။ သူနဲ့တွေ့ရမဲ့ရက်မှာ ကျွန်တော်စိတ်အရမ်းလှုပ်ရှားခဲ့တယ်။ သူ့ကို တွေ့တာနဲ့ သူမှန်း ကျွန်တော်မှတ်မိနေခဲ့တယ်။ သူအရမ်းလှတယ်။ ဓာတ်ပုံထဲကထက်တောင် လှတယ်"

ကွန်ပျူတာ ဖန်သားပြင်ပေါ်မှ တက်လာသော စာများကို ဖတ်ရင်း ကျွန်မမျက်တောင်ခတ်ဖို့ မေ့နေခဲ့သည်။

"ခင်ဗျားကြည့်ရတာ သက်သာသေးပုံ မပေါ်ဘူး သွားအိပ်လိုက်ပါလား"

"ဟင့်အင်း... ကျွန်မ မေးဖို့ မေးခွန်းတွေ ကျန်နေသေးတယ်" ကျွန်မ ခေါင်းရမ်းရင်း ပြောလိုက်မိသည်။

"ခင်ဗျားရဲ့ လက်ကို ကျွန်တော် ကိုင်နေတယ်... ခံစားလို့ရလား"
မမျှော်လင့်သော စာကြောင်းကြောင့် ကျွန်မယောင်ရမ်းပြီး လက်ကို ကြည့်လိုက်မိသည်။ ကျွန်မ ခံစားလို့ မရခဲ့... သို့သော် နွေးထွေးသော လက်တစ်စုံက ကျွန်မလက်ကို ဆုတ်ကိုင်းထားသည်ဟု ကျွန်မ မြင်ယောင်ကြည့်မိ သည်။

"ခင်ဗျား ကြည့်ရတာ အားမရှိဘူးဗျာ။ ကျွန်တော် စိုးရိမ်တယ်။ မေးချင်တဲ့ မေးခွန်းတွေ နောက်ညမှ မေးပါလား... အနားယူလိုက်နော်"

စာကြောင်းလေး တစ်ကြောင်းသာဖြစ်ခဲ့သော်လည်း ကြင်နာသော သူ့စကားများကို ကျွန်မခံစားမိသည်။

"ကျွန်မ တစ်ခုမေးပြီးရင် သွားအိပ်မှာပါ"
ကျွန်မ အရဲစွန့်ပြီး ကျွန်မ အသိချင်ဆုံး မေးခွန်းတစ်ခုကို မေးလိုက်မိသည်။
"ဘာဖြစ်လို့ ကျွန်မကိုမှ ရွေးချယ်ခဲ့ရတာလဲ"

"... ကျွန်တော် စောင့်ကြည့်နေတာ ကြာပြီ။ ခင်ဗျားနဲ့ chatting မလုပ်ခင်ကတည်းက ခင်ဗျားအခန်းထဲမှာ ကျွန်တော်ရှိနေခဲ့တယ်"

တစ္ဆေတစ်ကောင် ကျွန်မ အခန်းထဲတွင် အစောကြီးကတည်းက ရှိနေသည်ကို ကျွန်မ မသိခဲ့ပါလား.. ကျွန်မ၏ နေ့စဉ် အပြုအမှုများကို သူစောင့်ကြည့်နေခဲ့ပါလား...။ ထိုသို့ တွေးမိလိုက်စဉ် ကျွန်မပါးနှစ်ဘက် အပူကြောင့် ရှိန်းခနဲ ဖြစ်သွားသည်။

"ဟား...ဟား.. ခင်ဗျား ဘာတွေးနေလဲ ကျွန်တော်သိတယ်။ ကျွန်တော် အဲဒီလောက် အောက်တန်း မကျပါဘူးဗျာ"

ကျွန်မပါးနှစ်ဘက် နီမြန်းသွားသည်ကို ကြည့်ပြီး ကျွန်မ၏အတွေးကို သူသိနေခဲ့သည်။
"တစ်ခြားလူမသိအောင် စောင့်ကြည့်တဲ့ အပြုအမှုတွေဟာ မတရားဘူးဆိုတာ ရှင်မသိဘူးလား"

"တရားတယ်၊ မတရားဘူးဆိုတာ ကျွန်တော် မသိဘူး။ ကျွန်တော်တို့ ၀ိညာဉ်တွေက ဒီလိုပဲ လျှောက်သွားနေတတ်တယ်လေ။ ခင်ဗျားနဲ့ ခင်ပြီးတဲ့နောက်ပိုင်း ကျွန်တော် အချိန်သတ်မှတ်ပြီး လာခဲ့တယ်။ တစ်ချိန်လုံး ကျွန်တော်စောင့်ကြည့် မနေတော့ပါဘူး"

"နေပါဦး..... နေ့လည်အချိန်တွေမှာ ရှင်ဘာလုပ်နေလဲ"

"နေ့လည်.. နေ့လည်ဆိုရင် လေးထောင့်အခန်းထဲမှာ ထားထားတဲ့ ခန္ဓာကိုယ်ထဲ ကျွန်တော်ဝင်နေရတယ်လေ။ ညအချိန်လို လွတ်လွတ်လပ်လပ် ထွက်လာခွင့်မရဘူး"

ကျွန်မ မျက်လုံးများ ပြူးသွားမိသည်။
လေးထောင့်အခန်း......... ခန္ဓာကိုယ်....

"နေ.. နေပါဦး... လူတွေက ရှင့်ကို မသင်္ဂြိုလ်ကြသေးဘူးလား"
"ကျွန်တော်ရဲ့ ခန္ဓာကိုယ်က ဆေးရုံမှာပဲ ရှိနေသေးတယ်။ မေ့မြောနေဆဲမို့ သူတို့က လက်မလွတ်ချင်ကြသေးဘူးနဲ့ တူတယ်"

သူ...သူ... အသက်ရှင်နေဆဲပါလား..။ ၀ိညာဉ်ကသာ လျှောက်သွားနေခြင်းဖြစ်သည်။ ဆေးရုံတွင် လဲလျောင်းနေသော ခန္ဓာကိုယ်မှာ ၀ိညာဉ်မဲ့သော ခန္ဓာကိုယ်ဖြစ်မည်။

"ရှင်ဘာဖြစ်လို့ ကိုယ့်ခန္ဓာကိုယ်ထဲ မပြန်တာလဲ... လူလုပ်ရမှာ တော်တော်စိတ်ကုန်သွားပြီလား"

"ကျွန်တော် ပြန်သွားရင် ခင်ဗျားကို ကျွန်တော် မမြင်ရတော့ဘူး။ ကျွန်တော့်ကို မေ့သွားမှာ စိုးတယ်"

သူ့စကားကို ကြားပြီး ကျွန်မ စိတ်မကောင်းဖြစ်သွားမိသည်။ သူ၏စိတ်ထဲတွင် ကျွန်မ ရှိနေခဲ့ပြီလား... လူသားတစ်ယောက်အနေနှင့် သူ၏ပိုက်ထွေးမှုကို ကျွန်မခံယူချင်သေးသည်။ လူတစ်ဖန်ပြန်လုပ်ဖို့ သူ့မှာ အခွင့်အရေးတွေ ရှိနေသေးသည်။ ကျွန်မကို မြင်နိုင်ဖို့အတွက် ထိုအခွင့်အရေးကို သူ လက်လွတ်တော့မလား။ ကျွန်မ မျက်စိထောင့်စွန်းက မျက်ရည်များ အတားအဆီးမဲ့ စီးကျလာသည်။

"မငို.. မငိုပါနဲ့။ ကျွန်တော် ဘာအမှားများ ပြောမိပါလိမ့် (ကျွန်တော်မျက်ရည်တွေကို သုတ်ဖို့ ကြိုးစားနေတယ်)"

ထိုစာကြောင်းကို ကြည့်ပြီး ကျွန်မ အသံထွက် ရယ်လိုက်မိသည်။ တစ္ဆေတစ်ကောင်က ကျွန်မကို နှစ်သိမ့်နေပါလား..။ စီးကျလာသော မျက်ရည်များကို ကပျာကယာ သုတ်ပေးနေသည့် သူ့ကို ကျွန်မမြင်ယောင်ကြည့်မိသည်။

"ရှင်ရဲ့ ပွေ့ဖက်မှုကို ကျွန်မ ခံယူချင်သေးတယ်။ ဒါပေမဲ့ အခုမဟုတ်သေးဘူး။ တကယ့် လူတစ်ယောက်အဖြင့်နဲ့ ပွေ့ဖက်မှုကို ကျွန်မ ခံယူချင်တယ်"

"ကျွန်တော်ရဲ့ ခန္ဓာကိုယ်ထဲ ပြန်ဝင်ဖို့ ပြောနေတာလား"
"ဟုတ်တယ်"

"၀င်သွားပြီးနောက်ပိုင်း ခင်ဗျားနဲ့ ပတ်သက်သမျှ ကျွန်တော် သတိမရတော့မှာကို မကြောက်ဘူးလား"
"ဒီလိုပဲ ဖြစ်တတ်သလား..ကျွန်မကို မေ့သွားမှာလား" ကျွန်မစိတ်ပူစွာ ပြောလိုက်မိသည်။

"အသေအချာတော့ မသိဘူး။ တစ်ချို့မေ့တတ်တယ်။ တစ်ချို့ မမေ့တတ်ဘူး။ ခံနိုင်ရည်အားကို ကြည့်ရဦးမယ်လေ"

ပြန်သွားပြီး သူ သတိမရခဲ့လို့ ကျွန်မကို လာမရှာနိုင်ချင်နေပါစေ။ ကျွန်မကြောင့် သူသည် ခိုကိုးရာမဲ့ ၀ိညာဉ်တစ်ကောင်တော့ မဖြစ်စေချင်ပါ။

"ပြန်သွားပါ။ ရှင် ကျွန်မကို မမေ့ဘူးလို့ ကျွန်မ ယုံကြည်တယ်။ လူစင်စစ်တစ်ယောက်အဖြင့်နဲ့ ကျွန်မရှေ့မှာ ထိုင်ပြီး ရှင်နဲ့ မေအကြောင်းပြောပြတာကို ကျွန်မ ကြားချင်သေးတယ်"

မျက်စိကိုမှိတ် သူ့ပုံရိပ်ကို မြင်ယောင် ခံစားရင်း ကျွန်မ ပြောလိုက်သည်။

"ခင်ဗျား စကားကို ကျွန်တော် နားထောင်မယ်။ ကျွန်တော့် ခန္ဓာကိုယ်ထဲ ပြန်ဝင်မယ်။ ကျွန်တော့် ပြန်အလာကို စောင့်နေမလား"

"ကျွန်မ စောင့်နေမယ်။ တစ်သက်လုံး စောင့်နေမယ်။ ကျွန်မကို မေ့ခဲ့မယ်ဆိုရင်တောင် ရှင်သတိရပြီး ကျွန်မကို ပြန်မှတ်မိလာတဲ့အထိ စောင့်နေမယ်"

ကျွန်မပြောရင်း ရင်နင့်မိသည်။ မျက်ရည်များက အတားအဆီးမဲ့စွာ စီးဆင်းလာပြန်သည်။ သူ ကျွန်မအနားက ပျောက်ကွယ်သွားတော့မယ်ဆိုတာ ရာခိုင်နှုန်း တစ်ဝက်က သေချာနေပြီ။ ရင်ထဲ စူးနေအောင် နာကျင်လာမိသည်။

"ခင်ဗျားပါးကို ကျွန်တော် နမ်းလိုက်တယ်။ ကိုယ့်ကိုယ် ကောင်းကောင်း ဂရုစိုက်နော်။ ကျွန်တော်သွားပြီ။ ကျွန်တော့်ပြန်အလာကို စောင့်နေပါနော်"

နာရီလက်တံများ တစ်စက္ကန့်ပြီး တစ်စက္ကန့် ရွေ့နေသည်။ ကွန်ပျူတာ ဖန်သားပြင်ပေါ်တွင် သူ၏ စာများ ထပ်ပေါ်မလာတော့။ ကျွန်မ ထိုင်ခုံပေါ်တွင် ထိုင်ရင်း အားရပါးရ ငိုလိုက်မိသည်။ အိပ်မက်ထဲက သူ့ပုံရိပ်ကို စွဲစွဲမြဲမြဲ မှတ်ထားရန် ကိုယ့်ကိုယ် သတိပေးလိုက်မိသည်။ သူသည် အချိန်မရွေး ကျွန်မရှေ့တွင် ပေါ်လာနိုင်သည်။ ထိုအချိန်ရောက်လျှင် အလှပဆုံးပြုံးလျှက် သူ့ကို နွေးထွေးစွာ ကျွန်မကြိုမည်။ သူမလာမှန်း သိနေလျှက်နှင့် ညသန်းခေါင် ၁၂နာရီရောက်တိုင်း ကျွန်မ online ပေါ်သို့ တက်ပြီး သူ့ကိုရှာမြဲ... သူ၏ message များကို မျှော်နေမြဲပင်။ ကျွန်မ၏ အပြုအမှုများသည် စိတ္တဇဆန်ကောင်း ဆန်နေလိမ့်မည်။

၀၀၀၀၀၀၀၀၀၀၀၀၀၀၀၀၀၀၀၀၀၀၀၀၀၀၀၀၀၀

ပြက္ခဒိန် စာရွက်များ တစ်ရွက်ပြီးတစ်ရွက် ကြွေကျကုန်သည်။ လူသွားလူလာများကြားတွင် သူ့ကို ကျွန်မ လိုက်ရှာနေမိသည်။ ကျွန်မကိုတွေ့လျှင် ကျွန်မနှင့် ပတ်သက်ခဲ့ဖူးသမျှ သူ မှတ်မိနေမည်ဆိုသည်ကို ကျွန်မ ယုံကြည်နေမိသည်။ ကျောင်းဝင်းထဲရှိ သစ်ရွက်များပင် နွေဦးလေနှင့်အတူ မြူးတူးပျော်ပါးနေကြကုန်ပြီ။ မကြာမီ နွေရာသီ ကျောင်းပိတ်ရက် ရောက်တော့မည်။ လေရှုးတစ်ချက်အဝှေ့ ကျွန်မလက်ထဲက စာရွက်များ ပြန့်ကျဲကုန်သည်။ ထိုစာရွက်စာတမ်းများ မရှိလျှင် စာမေးပွဲတွင် ကျွန်မ ဒုက္ခလှလှလေး တွေ့ဦးမည်။ စာရွက်များကို ကျွန်မ ကပျာကယာ လိုက်ကောက်လိုက်သည်။ ကျွန်မနှင့်အတူ စာရွက်များကို လိုက်ကောက်နေသော အရိပ်တစ်ခုကို တွေ့လိုက်မိသည်။ စာရွက်များကို ကောက်ရင်း ကျွန်မ ဘေးနားတွင် ခြေအစုံကို ရပ်လိုက်သည်။

"ကိုယ့်ကိုယ် ကောင်းကောင်း ဂရုစိုက်လေ"

ကျွန်မရင် ဒိန်းခနဲ ခုန်သွားမိသည်။ ခပ်သြသြနှင့် နူးညံ့သော ထိုအသံမှာ ကျွန်မနှင့် မရင်းနှီးပေမယ့် ထိုလူပြောလိုက်သော စကားမှာ midnight ပြောတတ်သော စကားနှင့် တစ်ထပ်တည်း။ ကျွန်မ အထိန့်အလန့် မော့ကြည့်လိုက်မိသည်။

သူ... သူပါလား... အိပ်မက်ထဲက ရုပ်ပုံလွှာလေး... အသားအနည်းငယ် ညိုသည်မှလွဲ၍ ကျွန်မ အသိစိတ်ထဲက ရုပ်ပုံလေး၊ ကျွန်မနှင့် ရင်းနှီးသော ရုပ်ပုံလေး။ ခန္ဓာကိုယ် အနည်းငယ် ဖွံ့ဖြိုးသည်ကလွဲ၍ အိပ်မက်ထဲက ရုပ်ပုံနှင့် တစ်ထပ်တည်း။ ကျွန်မရှေ့တွင် သူထိုင်ချလိုက်သည်။

"ဆောရီးပဲနော်.. တော်တော်လေး ကျန်းမာဖို့အတွက် အချိန်ယူနေရလို့ပါ။ လုံးဝ နေကောင်းသွားပြီဆိုမှ ကျွန်တော် လာတွေ့ရဲတယ်လေ"

ကျွန်မ အံ့သြ၀မ်းသာပြီး ဘာပြန်ပြောရမှန်း မသိတော့။ မျက်လုံးအိမ်ထဲတွင် မျက်ရည်များဖြင့် ပြည့်လျှံနေခဲ့သည်။ ကျွန်မကိုယ်ကို ထောင်မတ်ပေးရင်း ကျွန်မမပါးကို ညင်သာစွာ သူပွတ်သပ်လိုက်သည်။

"ကျွန်တော် ထင်တဲ့အတိုင်းပဲ ပါးပြင်တွေက နူးညံ့နေတယ်"
"ကျွန်တော့်ကိုယ့်ကျွန်တော် ပြန်မိတ်ဆက်ပေးပါရစေ"

သူရယ်ရင်း လက်ကို ကမ်းပေးသည်။ ရယ်နေပုံက အပြစ်ကင်းသော ကလေးလေးတစ်ယောက်နှင့် တူနေသည်။

"ကျွန်တော့်နာမည် နေဒွေးဇော်ပါ။ တွေ့ရတာ ၀မ်းသာပါတယ်"
"တွေ့ရတာ ၀မ်းသာပါတယ်။ ကျွန်မ မိဆိုးပါ"

ကျွန်မပြန်ကမ်းလိုက်သော လက်ကို ကြင်နာစွာ သူဆုတ်ကိုင်ထားလိုက်သည်။
"မိဆိုး ကျွန်တော်နဲ့ တစ်သက်လုံး လက်တွဲသွားနိုင်မလား"
ကျွန်မ ခေါင်းကို သွင်သွင်ငုံ့လိုက်မိသည်။

နွေဦး၏ လေရူးနှင့်အတူ ကျွန်မရှေ့သို့ သူရောက်လာခဲ့သည်။ ရွက်ကြွေများ ဖြန့်ခင်းထားသော အ၀ါရောင်လမ်းလေးပေါ်တွင် သူနှင့်ကျွန်မ ပထမဆုံးအကြိမ် တွေ့ဆုံကြသည်။

မှတ်ချက်။ ။ ညီမလေးတယောက် Forward mail ပို့ပေးထားတာ ကြိုက်လို့ သူငယ်ချင်းများအား ပြန်လည် မျှဝေခြင်းဖြစ်ပါတယ်... အားလုံး ခံစားချက်များစွာပေးမဲ့ ၀တ္ထုကောင်းလေး တပုဒ်ဖြစ်ပါစေလို့ ဆုတောင်းလျက်....

ငါအိုသွားသောအခါ...

သူငယ်ချင်းတို့ရေ မိဘနဲ့သားသမီးကြား ကွာဟမှုတွေကြောင့် အဆင်မပြေကြတဲ့ မိသားစုတွေကို ရည်ရွယ်ပြီး ဒီပို့စ်လေး တင်ဖို့ စဉ်းစားလိုက်ပါတယ်။ မီးလေး ကိုယ်တိုင်လည်း ဒီစာကို အရမ်းနှစ်သက်ပါတယ်။ အမှန်အတိုင်း ၀န်ခံရရင် စာထဲက အကြောင်းအရာတွေကို သိနားလည်ပေမဲ့ တကယ်တမ်း အပြည့်မကျင့်ကြံ နိုင်သေးပါဘူး။ အားလုံး နားလည်နိုင်ဖို့ ကြိုးစားနေတုန်းပါပဲ။ အခန့်မသင့်ရင် မဟုတ်မခံတတ်တဲ့ မီးလေးက (အဆင်မပြေတာ ရှိတဲ့အချိန်) ပြန်ပြောတတ် ပါတယ်။ ပြောပြီးလည်း အရမ်းကို စိတ်မကောင်း ဖြစ်မိပါတယ်။ နောက်မပြောတော့ဘူးလို့ ဆုံးဖြတ်ထားပေမယ့် အလိုလိုတုန့်ပြန် ဖြစ်သလို ဖြစ်နေခဲ့ပါတယ်။ အထူးသဖြင့်တော့ လိုက်မမီနိုင်တော့တဲ့ ITခေတ်ထဲက အကြောင်းအရာတွေ လူကြီးတွေက ပိုသိနားလည်သလို(အမှန်တော့ ကွန်ပျူတာဆိုတာ ဘာမှန်းတောင်မသိ) ၀င်ပြောလာတဲ့အခါ၊ သားသမီးတွေ အနေနဲ့ကလည်း အချိန်ပေးပြီး သေချာ မရှင်းပြနိုင်တဲ့အခါ၊ ဒီနေ့ခေတ်နဲ့ သက်ဆိုင်တဲ့ နားလည်မပေးနိုင်တဲ့ ပြဿနာတွေ မိဘတွေဖြစ်တဲ့ လူကြီးတွေကလည်း ငါတို့မွေးထားတာ နင်တို့ထက် ပိုသိတယ်ဆိုတဲ့ ငါဆိုတဲ့ အစွဲတွေ မစွန့်မချင်းတော့ မိဘနဲ့ သားသမီးကြား ပဋိပက္ခက ဘယ်တော့မှ ရပ်မှာမဟုတ်သလို အချင်းချင်း နားလည်မှုရနိုင်မှာလည်း မဟုတ်ပါဘူး။

သားသမီးတွေ အနေနဲ့ကလည်း လူကြီးတွေကို နားလည်ပေးနိုင်ဖို့၊ မှားမှားမှန်မှန် လက်ခံနားထောင်ပြီး ပြန်လည်ရှင်းပြနိုင်ဖို့၊ မိဘကလည်း သားသမီးကို ငါဆိုတဲ့ မာန်အောက်မှာ ဖိနှိပ်ထားမယ့်အစား ပျံစမ်းပါ မင်း အတောင်ပံဖြန့်နိုင်သလောက် မြင့်မြင့်သာ ပြန်လိုက်စမ်းပါဆိုပြီး လမ်းဖွင့်ပေးမယ်ဆိုရင် မိဘနဲ့ သားသမီးကြား ပြဿနာဆိုတာလည်း နည်းပါးသွားမယ်လို့ မီးလေးထင်ပါတယ်။ ပဋိပက္ခတွေ ရှိလာတဲ့အခါ စိတ်အားငယ် တတ်ကြတဲ့ မိဘတွေကို စိတ်မညစ်စေရဖို့ သားသမီးတွေအနေနဲ့ အတတ်နိုင်ဆုံး လုပ်ဆောင်သွားရမှာ ဖြစ်ပါတယ်။ ဒီပို့စ်လေးက အိမ်တိုင်း အိမ်တိုင်း အိမ် ၁၀၀မှာ ၈၅လောက် ဖြစ်နေတဲ့ ပဋိပက္ခတွေကို လျော့နည်း သွားစေလို့တဲ့ ရည်ရွယ်ချက်နဲ့ မီးလေးဖတ်ရတဲ့ စာလေးတပိုဒ်ကို ပြန်လည်ဖြန့်ဝေလိုက်ပါတယ်။ မိဘနဲ့ သားသမီးကြား အမြဲတမ်း ပျော်ရွှင် ချမ်းမြေ့ကြပါစေလို့ ဆုတောင်းရင်း......

ငါအိုသွားသောအခါ

ငါအိုသွားသောအခါ ငါဟာ အရင်က ငါမဟုတ်တော့ဘူး။ ငါ့ကို နားလည်ပေးပါ၊ စိတ်ရှည်ရှည်ထား ဆက်ဆံပေးပါ။

ချည့်နဲ့နဲ့ လက်တွေနဲ့ ထမင်းဟင်းတွေ အင်္ကျီပေါ် ဖိတ်စင်သွားတဲ့အခါ အင်္ကျီ၊ လုံချည် ဖိုသီဖတ်သီ ဖြစ်နေတဲ့အခါ ငါ့ကို မရွံပါနဲ့၊ ငယ်ငယ်တုန်းက ငါသုတ်သင် ပေးခဲ့တာကို ကျေးဇူးပြုပြီး သတိရပေးပါ။

အပ်ကြောင်းထပ်မက ပြောဖူးတဲ့စကားတွေ ပြန်ပြောမိတဲ့အခါ စကားမဖြတ်ဘဲ ကျေးဇူးပြုပြီး နားထောင်ပေးပါ။ ငယ်ငယ်တုန်းက အိပ်ရာဝင်တိုင်း၊ တစ်ထောင့်တစ်ည ပုံပြင်တွေ၊ ငါးရာ့ငါးဆယ် နိပါတ်တော်တွေ၊ ဇာတ်ကြီးဆယ်ဘွဲ့တွေ စတဲ့ ပုံပြင်တွေကို မရိုးအောင် ပြောရင်း ငါချော့သိပ်ခဲ့တာတွေကို သတိရပေးပါ။

မလှုပ်ရှားနိုင်လို့ ရေချိုးဖို့ အကူအညီလိုတဲ့အခါ ငါ့ကို မငြိုငြင်ပါနဲ့။ ငယ်ငယ်တုန်းက ချော့တလှည့်၊ ခြောက်တလှည့် ရေချိုးပေးခဲ့ဖူးတဲ့ ပုံရိပ်လေးကို မြင်ယောင်ပေးပါ။

ခေတ်သစ် နည်းပညာတွေ မသိနားမလည်ခဲ့ရင် မလှောင်ပါနဲ့။ ငယ်ငယ်တုန်းက “ဘာကြောင့်ဆိုတဲ့” မေးခွန်းတိုင်းကို စိတ်ရှည်စွာ ငါပြန်ဖြေခဲ့တာကို သတိရပေးပါ။

စိတ်သွားတိုင်း ကိုယ်မပါ နွမ်းလျပြီး လမ်းမလျှောက်နိုင်တဲ့အခါ ခွန်အားပါတဲ့ လက်တစ်စုံနဲ့ ငါ့ကို ကူတွဲပေးကြပါ၊ လမ်းလျှောက်သင်စ အရွယ်တုန်းက တလှမ်းချင်း လှမ်းလျှောက်လေ့ကျင့်ပေးခဲ့တာကို သတိရပေးပါ။

တနေ့ထက်တနေ့ အိုစာသွားတဲ့ငါ့ကို ကြည့်ပြီး ၀မ်းမနည်းပါနဲ့ နားလည်ပေးပါ။ အားပေးပါ။ အရင်တုန်းက လူ့ဘ၀ တက်လမ်းအတွက် ငါလမ်းညွှန်ခဲ့လို့ အခုအချိန်မှာ ငါ့ဘ၀ နောက်ဆုံးအချိန် အတွက် အဖော်ပြုပေးပါ။ ချစ်ခြင်းမေတ္တာနဲ့ အေးမြမှုတွေကို ငါပြုံးပြုံးလေး လက်ခံမှာပါ။ အဲဒီ့ အပြုံးတွေထဲမှာ မဆုံးတဲ့ ငါ့မေတ္တာတွေကို တွေ့ရမှာပါ။

xxxxxxxxxxxxxxxxxxxxxxxxxxxxxxx

Mr. Bean Lovers!!!!!

သူငယ်ချင်းတို့ရေ ပို့စ်အသစ်ရေးဖို့ ကုန်ကြမ်းတွေတော့ ရထားပါတယ်။ ဒါပေမဲ့ မီးလေးကိုယ်တိုင် မအားတာရယ်၊ မီးလေး အားတဲ့အချိန် ကော်နက်ရှင်က မကောင်းတာရယ်ကြောင့် အသစ်တွေ မတင်နိုင်သေးတာကို နားလည်ခွင့်လွတ်ပေးကြပါနော်။ ခုတော့ ကော်နက်ရှင်လေးရတုန်း မီးလေးဆီကို သူငယ်ချင်းတယောက် ပို့စ်ထားတဲ့ ပုံလေးတွေကို ပြန်လည်မျှဝေလိုက်ပါတယ်။ အသစ်စောင့်နေတဲ့ သူငယ်ချင်းတွေ၊ စာဖတ်သူတွေ၊ ညီအစ်ကိုမောင်နှမတွေ အားလုံး ကြိုက်နှစ်သက်လိမ့်မယ်လို့ ထင်ပါတယ်။ ခုတော့ ဒီလောက်နဲ့ ကျေနပ်ပေးကြပါနော်။ နောက်ရက်ပိုင်း အားသွားတဲ့အခါ ရထားတဲ့ ကုန်ကြမ်းလေးတွေနဲ့ ပို့စ်တွေတင်ပေး သွားမှာပါ...









အားလုံး ပြုံးပျော်နိုင်ကြပါစေ.....

သင်ပုန်းကြီး ဖတ်စာ

သူငယ်ချင်းတို့ရေ မူလတန်းတုန်းက သင်ခဲ့ရတဲ့ သင်ခန်းစာကို တမျိုးသင်ခဲ့ရတယ်။ ပါးစပ်ထဲမှာလည်း ဆိုလို့ကောင်းလို့ ဆွဲနေခဲ့တယ်... ခုအဲဒီသင်ခန်းစာကို တမျိုးဆန်းသစ်ထားတဲ့ ဟာသလေးအနေနဲ့ သူငယ်ချင်းတယောက်က ပို့လိုက်လို့ အားလုံးကို ပြန်လည်မျှဝေလိုက်ပါတယ်...










ရယ်မောခြင်းဖြင့် အသက်ရှည်နိုင်ကြပါစေ...
ပုံ
ဟိုက် ရှာလကာရည် မီးလေး

IT Show

မြန်မာနိုင်ငံ ကွန်ပျူတာရှင်များအသင်းချူပ်နှင့် ကွန်ပျူတာအသင်းများ၏ ၁၀နှစ်ပြည့် အထိမ်းအမှတ် သတင်းအချက်အလက်နှင့် နည်းပညာပြပွဲကို တပ်မတော်ခန်းမတွင် အောက်တိုဘာ ၃၁ရက်မှ နိုဝင်ဘာ ၂ရက်နေ့အထိ စည်ကားသိုက်မြိုက်စွာ ကျင်းပခဲ့ပါတယ်။ အဆိုပါ ပြပွဲတွင် ကွန်ပျူတာနှင့် ဆက်စပ်ပစ္စည်းများ၊ စာအုပ်များ၊ MOBILE HANDSET နှင့် ဆက်စပ်ပစ္စည်းများ၊ DIGITAL CAMERAနှင့် ဆက်စပ်ပစ္စည်းများ ဆိုင်ခန်းပေါင်း ၁၅၀ကျော် ပြသခဲ့ကြပါတယ်။ မီးလေးလည်း ကွန်ပျူတာ တလုံးထပ်ဆင်စရာရှိတာနဲ့ ပြပွဲသွားရင်းနဲ့ လိုအပ်တာတွေ ၀ယ်ခဲ့ပါတယ်။ ဈေးနှုန်းကိုလည်း ပုံမှန်ဈေးနှုန်းနဲ့ အထူးလျော့ဈေး ရောင်းချပေးပါတယ်။

ဒီပြပွဲမှာ စိတ်ဝင်စားဖို့ကောင်းတာ တခုက ကွန်ပျူတာ တပ်ဆင်ပြိုင်ပွဲပါပဲ။ ကွန်ပျူတာ တပ်ဆင်ပြိုင်ပွဲဆိုတော့ ကွန်ပျူတာ တလုံးဆင်တာ လွယ်လွယ်လေးပါလို့ ထင်ကြပါလိမ့်မယ်။ ဒီလောက်လွယ်လွယ်နဲ့တော့ ဘယ်ရမလဲ တပ်ဆင်ပြိုင်ပွဲ မပြိုင်ခင် ရေးဖြေစာမေးပွဲတွေလည်း ဖြေရတယ်လို့ သိရပါတယ်။ ရေးဖြေစာမေးပွဲ အောင်မှသာ ထိုပြိုင်ပွဲကို ပါဝင်ယှဉ်ပြိုင်နိုင်တယ်လို့ သိရပါတယ်။ ဒီလောက် စိတ်ဝင်စားစရာကောင်းတဲ့ပွဲမှာ ကင်မရာ မပါလာတဲ့ မီးလေးအဖို့ အတော်ကို စိတ်ညစ်သွားပါတယ်။ ဖုန်းကင်မရာက resolution က သိပ်မကောင်းဘူးလေ။ ဒါပေမဲ့ ရိုက်လာတဲ့ပုံတွေကို တင်ပေးထားပါတယ်။ အဲဒီပုံတွေထဲမှာ ဘလော့ဂ်ဂါ အကိုတွေတောင် ပါချင်ပါဦးမှာ (ကောင်မလေးနဲ့ တွဲသွားတာလေ :P)

ဒါကတော့ View Sonic ShowRoomပေါ့

ဒါကတော့ Toshiba ShowRoomပါ။ မော်ဒယ်လ်တွေရဲ့ သရုပ်ပြမှုနဲ့ presenter လုပ်နေတဲ့ ချစ်သုဝေ...








ဒါကတော့ MSI ShowRoom

WOT

စာဖတ်သူတွေနဲ့ မိတ်ဆက်ပေးချင်တာကတော့ Mozilla Firefox သုံးပြီး Website တွေကြည့်တဲ့အခါ Virus ပါလား Virus မပါလား အလွယ်တကူသိနိုင်အောင် လုပ်ပေးထားတဲ့ Feature လေးပါ။ သူကို WOT (Web of Trust) လို့်ခေါ်ပါတယ်။ သူ့ကို Add-on လေးမှာ install လုပ်ပြီးတဲ့အခါ Mozilla Firefox ကို restart လုပ်လိုက်ပါ ပြန်တက်လာတဲ့အခါ Site တွေ ဘေးမှာ မီးပွိုင့် အမှတ်အသားလို နီ၊ ၀ါ၊ စိမ်း comment တွေပြပေးပါလိမ့်မယ်။ အနီဆို လုံးဝ ဖွင့်မကြည့်ဘဲ အ၀ါ၊ အစိမ်းဆိုရင်တော့ စိတ်ချလက်ချ ၀င်ရောက်ကြည့်ရှုနိုင်ပါတယ်။

WOT ကို ဒီမှာ Download လုပ်ယူနိုင်ပါတယ်။

Blogger အားလုံး Virus ကင်းဝေးနိုင်ကြပါစေ.....

အချစ်နဲ့ အိမ်ထောင်ရေး

မီးလေး ဘလော့ဂ်အိမ်ကို မတက်ဖြစ်ခဲ့တာ ရက်ပိုင်း အတော်ကြာနေပါပြီ... မီးလေးရဲ့စက် format ချလိုက်တာရယ်၊ ကိုးနတ်ရှင်ရယ် (ခုတောင် connection ကျသွားမှာစိုးလို့ အသက်တောင်မရှုရဲဝူး... )ကြောင့် အိမ်လေးကို မလာဖြစ်ခဲ့ဘူး။ အိမ်ကို ပြစ်ထားရတာလည်း ကြာနေပြီ သွားကြည့်ဦးမှပဲလို့ဆိုပြီး အိမ်လေးကို တက်လိုက်တယ်ဆိုရင်ပဲ အားပါးပါးးးးးးး
“ခွန်မြလှိုင်: တက်ဂ် ထားကြောင်း လာအကြောင်း ကြားပါတယ် ညီမရေ.. အချိန်ရရင် ရေးပေးပါနော့” ဆိုပြီး တက်ဂ်ဂိမ်းလေးက ဆီးကြိုနေပါတယ်။ ခုတလော တက်ဂ်ဂိမ်းတွေ ပြန်ခေတ်စားလာပါတယ်။ တီတီခွန်မြလှိုင် တက်ထားတာက အချစ်အကြောင်း မီးလေးက အချစ်ကိစ္စနဲ့ ပတ်သက်လို့ သိပ်ပြန်မပြောပြတတ်ဘူးရှင့်။ ခံစားလို့တော့ရတယ်။ :P

အချစ်ဆိုတာ တခါတရံ ချိုမြိန်မှုတွေ ပေးတယ်....
တခါတရံ ခါးသည်းမှုတွေ ပေးတယ်....

တခါတရံ လွမ်းဆွေးမှုတွေ ပေးတယ်...
တခါတရံ ပျော်ရွှင်မှုတွေ ပေးပြန်ရော...

တခါတရံ အထီးကျန်မှုကိုပေးတယ်...
မြှားနတ်မောင် ဘာလုပ်နေလဲ?????
သူအိပ်ပျော်နေတယ်....

သူ့ကို နိုးပြီး ပြောပေးစမ်းပါ...
တယောက်ယောက်နဲ့ ဆုံခွင့်ရမယ်ဆိုရင်
ကျွန်မ သူနဲ့ပဲ ဆုံတွေ့ချင်တယ်....

တယောက်ယောက်နဲ့ ပျော်ရွှင်ခွင့်ရမယ်ဆိုရင်
ကျွန်မ သူနဲ့ပဲ ပျော်ချင်တယ်...

တယောက်ယောက်နဲ့ ချစ်ခွင့်ရမယ်ဆိုရင်
ကျွန်မ သူကိုပဲ ထာဝရ ချစ်ချင်တယ်....

တယောက်ယောက်နဲ့ လမ်းခွဲရမယ်ဆိုရင်
ဆယ်ခါပြန်သာ သေလိုက်မယ်
အဲဒီတယောက်က သူမဖြစ်စေရဘူး...

ဒီကဗျာလေးက မီးလေးအရမ်းကြိုက်ခဲ့တဲ့ ဘာသာပြန်ကဗျာလေးကို မီးလေးစိတ်ကူးနဲ့ ပေါင်းစပ်ပြီး ရေးသားထားတဲ့ ကဗျာလေးပါ။ မီးလေး အချစ်ဆိုတာကို သေချာတော့ နားမလည်ပါဘူး။ ဒါပေမဲ့ ဖြူစင်အေးမြတဲ့ အချစ်က ၅၂၈၊ ပူလောင်လွမ်းဆွေးရတဲ့ အချစ်က ၁၅၀၀လို့ ထင်ပါတယ်။

တချို့က ချစ်ခြင်းရဲ့ ပန်းတိုင်က အိမ်ထောင်ပြုခြင်းလို့ ယူဆကြပါတယ်။ အဲဒီယူဆချက်က မှားပါတယ်။ အချစ်တို့မည်သည် အမြဲတမ်း ဖြူစင်ခိုင်မာပါတယ်။ အဲဒီနောက်ဆက်တွဲက တဦးနဲ့ တဦး မေတ္တာမျှလာပြီ ဆိုရင် ရန်ဖြစ်တာ၊ စကားများတာ၊ တဦးနဲ့တဦး စိတ်သဘောထား မတိုက်ဆိုင်တာတွေ အတော်များများ တွေ့လာတတ်ကြပါတယ်။ အဲဒီအပေါ်မှာ တဦးနဲ့တဦး နားလည်ပေးမယ်၊ ညှိနှိုင်းကြမယ်၊ ကိုယ်မကြိုက်တာကို သူပြင်၊ သူမကြိုက်တာကို ကိုယ်ပြင်ကြမယ် ဆိုရင်တော့ အဆုံးမှာ သာယာတဲ့ မိသားစုဘ၀ကို ရနိုင်ပါတယ်။

မကောင်းမှန်းသိရက် ဇွတ်ယူပြီး နောက်မှာ ဒုက္ခတွေ ရောက်နေကြရတာတွေ အများကြီးတွေ့နေရပါတယ်။ မီးလေးတို့ လူ့ပတ်ဝန်းကျင်မှာ ခုခေတ် ခုခါမှာ အိမ်ထောင်ရေး ဖောက်ပြန်တဲ့ အိမ်ထောင်သည် အများစုကို တွေ့မြင်ကြရမှာ ဖြစ်ပါတယ်။ မိန်းကလေးပဲဖြစ်ဖြစ်၊ ယောင်္ကျားလေးပဲဖြစ်ဖြစ် အိမ်ထောင်ရေး စဉ်းစားတော့မယ်ဆိုရင် ပထမဦးဆုံး ကိုယ့်က တသက်လုံးသူနဲ့အတူ နေထိုင်နိုင်ပါ့မလား။ အိမ်ထောင်ရေးကို သာယာနိုင်ပါ့မလားဆိုတာ အရင်ဆုံး စဉ်းစားသင့်ပါတယ်။ ပြီးတော့မှ နောက်ဆက်တွဲက အချစ်ပေါ့ ငါသူ့ကို ချစ်ရောချစ်ရဲ့လား၊ မချစ်ဘူးဆိုရင်တော့ ချစ်ရောချစ်လာနိုင်ပါ့မလား။ နောက်ဆုံးတခုက စီးပွားရေး ငါအိမ်ထောင်ပြုပြီးရင် ငါ့မိသားစုကို ရှာဖွေကျွေးနိုင်တဲ့ အရည်အချင်းရှိရဲ့လား။

ဒီအချက်တွေက အရေးကြီးပါတယ်။ အိမ်ထောင်ပြုတဲ့အခါ အချင်းချင်း ညှိနိုင်းဆွေးနွေးချင်းက အရမ်းကို အရေးကြီးပါတယ်။ တယောက်ယောက်က အနိုင်ကျင့်ပါများရင် သည်းမခံနိုင်တဲ့အဆုံး လင်မယားကွဲ တတ်ပါတယ်။ တဦးနဲ့တဦး ပွင့်ပွင့်လင်းလင်းမရှိခဲ့ရင်လည်း ကြာလာတဲ့အခါ ပေါက်ကွဲလာတတ်ကြပါတယ်။ တယောက်နဲ့ တယောက် ဘယ်လောက်ကြီးချစ်လို့ပဲ ယူထားယူထား ကိုယ်နဲ့ သဘောထားချင်း မတိုက်ဆိုင်တဲ့ အခါ ကိုယ်နဲ့ သဘောထား တိုက်ဆိုင်တဲ့သူ တွေ့လာရင် လင်ငယ်၊ မယားငယ်ယူတတ်ကြပါတယ်။ နောက်တခုက စီးပွားရေး မပြေလည်တဲ့အခါ ရုန်းထွက်ချင်လာကြပါတယ်။ စီးပွားရေး အဆင်မပြေတော့ လူမှုရေးလေး အဆင်မပြေနိုင် နောက်ဆုံး အပျက်အပျက်နဲ့ နှာခေါင်းသွေးထွက်ကြတာပါပဲ။

ဒီပို့စ်လေးကနေ မေးနေတဲ့ ညီမလေး ၀င်္ကပါအတွက် “ဝင်္ကပါ: မမီးလေးလည်း ပျော်စရာ သီတင်းကျွတ် လပြည့်နေ့လေးဖြစ်ပါစေနော်။ သူများတွေကိုတော့ ပြောနေတယ်။ အစ်မကျတော့ကော ။”ပေါင်းပြီး ဖြေပေးလိုက်ပါတယ်။ အချစ်နဲ့ အိမ်ထောင်ရေးအကြား ကွာခြားနေသေးတာမို့ မီးလေးနဲ့ စိတ်သဘောထား တိုက်ဆိုင်မယ့်သူ၊ စိတ်ရှည်တဲ့သူ၊ ကိုယ့်အပေါ် သစ္စာရှိရှိနဲ့ ပေါင်းသင်းနိုင်မယ့်သူ တွေ့တဲ့တနေ့ စွံဦးမှာပေါ့... ဟီး ဟီး

သီတင်းကျွတ်

ဖောင်း...ဖောင်း...ဗျောင်း
ဗျောက်အိုးဖောက်သံတွေ လမ်းထဲမှာ ကြားနေရတယ်... ဗျောက်အိုးမဖောက်ရ ဆိုလည်း ဖောက်နေကြတာပါပဲ... ဗျောက်အိုး ဖောက်သံတွေနဲ့အတူ သီတင်းကျွတ်ရောက်ပြီဆိုတဲ့ အသိဝင်လာပါတယ်... မနက်ဖြန်ဆို သီတင်းကျွတ် လပြည့်နေ့ ရောက်ပြီလေ။ အိမ်ရှေ့မှာ မီးထွန်းဖို့ မီးဆိုင်းတွေ လိုက်ဆင်တယ်၊ မီးတော့ မီးပုံးလေးတွေ လိုက်ချိတ်တယ်။ မီးတွေ လိုက်ဆင်နေရင်း ယုဇနရဲ့ သီချင်းလေးကို သွားအမှတ်ရမိပါတယ်။

“သီတင်းကျွတ်ညလေးည စီပါတယ် လမ်းထဲမှာကွယ်.... မီးလေးတွေထွန်းတော့....” အသံမကောင်းဘူး မပြောနဲ့နော်။ အရင်တုန်းကတော့ ဒီသီချင်းလေးအတိုင်းပါပဲ ခုတော့ လမ်းထဲမှာ တချို့အိမ်တွေ မီးဆိုင်းတွေ၊ မီးပုံးတွေ ချိတ်ထားတာ တွေ့မြင်ရပါတယ်။ အရင်နှစ်တွေက လမ်းထဲမှာပါ စုပေါင်း မီးထွန်းပွဲတော်လုပ် ကြတယ်။ ဒီနှစ်မှာတော့ လမ်းတွေထဲကြည့်မယ်ဆိုရင် လမ်းပြည့်မဟုတ်တော့ဘဲ အချို့နေရာတွေသာ လမ်းမှာ ထွန်းကြတာ တွေ့ရပါတယ်။ ကြပ်တည်းလာတဲ့ စီးပွားရေးအခြေအနေတွေကြောင့် အလှူငွေကောက်တဲ့အခါ အပိုအလုပ်တွေ မလုပ်နိုင်ကြတော့တာရယ်၊ ဦးဆောင်ဦးရွက်ပြုမယ့်သူ မရှိတာရယ်၊ ၀ယ်ဆင်ဖို့အတွက် မီးပစ္စည်းတွေ ဈေးကြီးတာရယ် ထိုထိုသော အကြောင်းတွေကြောင့် အရင်နှစ်တွေကလို မလုပ်နိုင်ကြ တော့ဘူးလို့ သိရပါတယ်။

ကျွန်မတို့ အရင်က သီတင်းကျွတ်ရောက်ပီဆို ပျော်ကြပါတယ် ကျောင်းတွေလည်းပိတ်တယ်၊ လမ်းထဲမှာ မီးတွေ လိုက်ထွန်းကြတယ်၊ မိဘတွေကို ကန်တော့တယ် (မုန့်ဖိုးရတာကိုး)။ ဘယ်လမ်းမီးထွန်းတာ လှလဲဆိုတာ သူငယ်ချင်းတွေစုပြီးသွားကြည့်ကြတယ်။ ခုတော့ ကြည့်စရာလည်း မရှိတော့ပါဘူး။ အရင်က မီးပုံးပျံတွေ ကောင်းကင်ယံ ပလူပျံနေကြတော့ မီးရေးထင်းရေး တွေးပူကြရတယ်။ ခုဒီနှစ်မှာတော့ ကောင်းကင်ထက်က မီးပုံးပျံတွေကို လိုက်ရှာယူနေရတယ်။

သြော်...ဒါနဲ့ စကားမစပ် ဘလော့ဂ်ဂါ မမအပျိုကြီးတွေရော သီတင်းကျွတ်ပြီ မစားရဘူးလား။ စားဖို့ရှိလည်း ပြောကြပါဦး။ မီးလေးချစ်တဲ့ ဘလော့ဂ်ဂါ ကိုကို၊ မမ၊ ညီမလေး၊ မောင်လေး၊ သူငယ်ချင်းများ အားလုံး မနက်ဖြန် မှာကျရောက်မယ့် သီတင်းကျွတ်လပြည့်နေ့မှာ ပျော်စရာ သီတင်းကျွတ်လပြည့်နေ့လေး ဖြစ်ပါစေလို့ ဆုတောင်းလျှက်...