Infinity ဆုံမှတ်

ခုတလော ရာသီဥတုကလဲ ပူလို့ထင်တယ်၊ ဘလော့ဂါတွေ  “ဂစ်... ဂစ်... ဂစ်”နဲ့ တက်ကုန်ကြပြီ... ခြေမချိုးသူကချိုး၊ နှိပ်ပေးသူက နှိပ်ပေး၊ ယပ်ခတ်ပေးတဲ့သူက ခတ်နဲ့ပေါ့... (ခွိ ခွိ) အဲ... ပုန်းနေလည်း ပြေးမလွက် အတက်ရောဂါက မီးလေးဆီရောက်လာလေပြီ... မေးလ်စစ်တော့ တပ်ထားပါတယ်ဗျို့ဆိုပြီး ကိုဂစ်တာက မေးလ်ပို့ထားတယ်... ဒါနဲ့ ဘာတွေတပ်ထားတာလဲ သွားကြည့်တော့ " 'infinity ဆုံမှတ် "တဲ့ ဘာရေးလို့ ရေးရမှန်းမသိတာက တစ်ရက်၊ စိတ်တိုပြီး နံရံကို လက်နဲ့ထိုးတာ ညာဘက်လက်တစ်ခုလုံး ရောင်ကိုင်းစုတ်ပြတ်သွားတာက တစ်ရက်၊ အကြွေးတင်နေတာနဲ့ ရေးတော့မှပဲလို့ ကြံကာရှိသေး နောက်အစ်ကိုတော် တစ်ယောက်က ရေးဖို့ပြင်ထား တပ်ထားတယ်ဆိုပြီး လာအော်သွားလေရဲ့... မဖြစ်တော့ဘူး အကြွေးတွေ တဖြည်းဖြည်းနဲ့ များလာလိမ့်မယ်ဆိုပြီး အရင်ဆုံးတပ်တဲ့ အစ်ကိုတော်အတွက် တပ်ဂိမ်းလေး ပြန်ရေးပေးလိုက်ပါတယ်...

အမှန်တော့ အဲ့ခေါင်းစဉ်အောက်မှ ဘာရေးလို့ ရေးရမှန်းမသိတာတော့ အမှန်ပင်... မီးလေးရေးတာ ခေါင်းစဉ်အောက် လွဲချော်သွားခဲ့ရင် သည်းခံပြီး ဖတ်ပေးကြပါလို့ ဦးစွာပထမ တောင်းပန်အပ်ပါ၏... infini ty ဆိုတာ "without ends or limits" အဆုံးမရှိတဲ့ ဆုံမှတ်၊ တမျိုးု အနန္တပေါ့လေ... အဲလို အဆုံးမရှိတဲ့ ဆုံမှတ်ဆိုရင် မီးလေးကတော့ ဆုန်ရေနဲ့ နှိုင်းယှဉ်ကြည့်မိပါတယ်... မိဘတွေပေါ့လေ မိဘတွေက ဘာနဲ့ တူလဲဆိုတော့ ကမ်းစပ်နဲ့တူပါတယ်... ဆုံမှတ်မှာ ဆုံကြတယ်ဆိုတာ ခွဲခွာဖို့ လမ်းစလေးတစ်ခုပါ... ပုံစံအမျိုးမျိုး ခွဲခွာကြပေမယ့် မတူတာက မိဘနဲ့ သားသမီး ခွဲခွာခြင်းပါ... ဆုံမှတ်တခုကနေ အဝေးကို ပြေးနိုင်ဖို့ရာ မိဘတွေက သားသမီးတွေကို အထောက်အပံ့ပေးကြပါတယ်...
သူတို့ ပံ့ပိုးပေးမှုက မျှော်လင့်ချက်တခုနဲ့ ပံ့ပိုးခြင်းမဟုတ်ဘဲ ငါတို့သားသမီးတွေ ကောင်းစားဖို့ဆိုတဲ့ ဦးတည်ချက်တခုတည်းကိုပဲ ပုံဖော်အသက်သွင်းကြပါတယ်... သားသမီးတွေက အချိန်တန်တော့လည်း ပညာလည်းစုံ၊ ကြင်ယာလည်းစုံတော့ အိမ်ထောင်ရက်သားကြလို့ မိဘဆိုတာကို အရင်ကလောက် ဂရုမစိုက်နိုင်ကြတော့ပါဘူး... ဒါပေမယ့် အပြုံးမပျက် ချစ်လျက်သာ... ကမ်းစပ်မှာ ရေတက်ရင် ပါလာတဲ့ ရေသတ္တ၀ါလေးတွေ လိုပါပဲ... ရေကျသွားတော့ ကမ်းစပ်မှာ ကျန်နေရစ်ကြတယ်... ကမ်းစပ်မှာ မြူးတူးပျော်ပါးလို့ပေါ့... ရေတက်လာတော့ ရေနဲ့အတူ ပြန်ပါသွားကြပြန်ပါရော... ကမ်းစပ်က သူတို့အတွက် တစ်ထောက်နားခိုရာ နေရာလေးတစ်ခုအဖြစ် သူတို့ကို အမြဲစောင့်ကြိုဆိုနေပါတယ်... ဘယ်အချိန်လာပြီး ဘယ်အချိန်ပြန်ပြန် တချက်ကလေးမှ ညီးညူခြင်း အလျင်းမရှိ (ဘယ်ရှိပါ့မလဲ သူက ကမ်းစပ်ကို စကားမှ မပြောနိုင်ဘဲ..)
မီးလေး ဆုန်ရေနဲ့ ပတ်သက်လို့ ရေးထားဖူးတဲ့ ကာရံမညီတဲ့ ကဗျာလေးတစ်ပုဒ်ရှိပါတယ်... အဲ့ဒီကဗျာလေး ရေးချိန်က မီးလေးရဲ့ အချစ်ရဆုံး တစ်ဦးတည်းသော အစ်ကို မိန်းမယူတော့မယ်လို့ သိလိုက်ရတဲ့အချိန်မှာ ရေးဖြစ်တဲ့ ကဗျာလေးတစ်ပုဒ်ပါ... ကဗျာခေါင်းစဉ်ကို “ သံသရာ ” လို့ ပေးခဲ့ပါတယ်...

သံသရာ

“အူဝဲ…အူဝဲ”
လူ့လောကထဲကို ခေတ္တတဖြုတ်ရောက်ချိန်
ဖေဖေ၊ မေမေတို့ရဲ့ အိမ့်ဆည်းလည်းလေးဖြစ်ခဲ့တဲ့ ကျွန်တော်
ဘိုးဘိုး၊ ဘွားဘွားတို့ရဲ့ အသည်းကျော် ကျွန်တော်…

တဖြည်းဖြည်းနဲ့ ကြီးပြင်းလာခဲ့
ဥယျာဉ်မှူးနဲ့တူတဲ့ ဖေဖေ
ရေလောင်းပေါင်းသင်း ပြုစုရှာ
အိမ်မှုကိစ္စတွေကြား မငြီးငြူရှာ
အရိပ်တကြည့်ကြည့်နဲ့ မေမေပါ…

ထူးချွန်ထက်မြက် သားသမီးအနာဂတ်
မိဘနှစ်ဖြာရဲ့ အိပ်မက်
လူတကာထက် သာဖို့အရေး
အလုံးစုံကို ထောက်ပံ့ပေး…

ဤလောက၀ယ်
ကြီးမားမေတ္တာတုမမီတာ မာတာပီတု မိဘပါ
ကျွန်တော့်ဘ၀မှာ ပထမဆုံး
ဖေဖေ၊ မေမေ အချစ်ရဆုံး…
ပညာစုံခါ အတောင်ပေါက်လာ
ချစ်ရမဲ့သူ တွေ့သောအခါ
မိဘတားမြစ်သည်ကား အလေးအနက်မထား
ဆင်ကန်းတောတိုး မျက်ကန်းပါ…

မိဘစကား မြူမှုန်အလား
နားမထောင်ခဲ့တဲ့ သားမိုက်ဟာ
မိဘတို့ကို စွန့်ခွာ ထွက်ပြေးကာ
ကိုယ့်အိုးကိုယ့်အိမ် တည်ထောင်ခဲ့တဲ့ ကျွန်တော်…

ကျွန်တော့် ဘ၀မှာ ဇနီးသည်သာ ပထမ
မိဘတို့သည် ဒုတိယ
သားရလာသောအခါ ကျွန်တော့်မှာ
သားသည်သာ ပထမ…

ခုချိန်မှာ ကျွန်တော့ အားလုံးကို နားလည်ခဲ့ပါပြီ ဖေဖေနဲ့ မေမေ
ကလေးဘ၀မှာသာ ဖေဖေ၊ မေမေက အရေးကြီးဆုံးဖြစ်ပေမဲ့
အိမ်ထောင်ကျလာတဲ့အခါ အလိုလို နေရာရွေ့ခံခဲ့ရတာ ဖေဖေနဲ့ မေမေပါ
သားသမီးတို့ရသောအခါ ဖေဖေ၊ မေမေက နောက်ဆုံးနေရာ…

ကျွန်တော်လည်း မကြာခင်ဝဋ်လည်တော့မှာပါ
ဖေဖေ၊ မေမေတို့ ရောက်နေတဲ့ နောက်ဆုံးနေရာ
ကျွန်တော်လည်း မကြာခင် ရောက်ရတော့မှာပါ
အဲဒီ့နေရာအတွက် ကျွန်တော် ကြိုတင်ပြင်ဆင်ရတော့မယ်ဗျာ….

ဒီပို့စ်ကို ဖတ်ပြီးရင်တော့ ဖတ်တဲ့သူအားလုံးကို ပြန်တပ်ပါ၏... နာမည်ရေးတပ်ရင် ရေးပြီးတဲ့သူတွေလည်း ရှိတာမို့ မထပ်ရလေအောင် ဖတ်တဲ့သူမှန်သမျှ (မရေးရသေးလျှင်) တပ်ပါ၏... :P


ရွှင်လန်းချမ်းမြေ့ပါစေ....