နာဂစ်မုန်တိုင်း(သို့)နှာကစ်မုန်တိုင်း

မီးလေးဆီကို သူငယ်ချင်းတယောက်က “မီးလေးရေ ဒီည၂နာရီဝန်းကျင်လောက် မုန်တိုင်းတိုက်လိမ့်မယ်… မီးမိန်းတွေ ချထားချည်၊ အပြင်မှာသိမ်းစရာရှိတာတွေ သိမ်းထား၊ အပြင်လည်း မထွက်နဲ့ တခုခုဆို ဖုန်းလှမ်းဆက်လိုက်”ဆိုပြီး ဖုန်းဆက်လာတယ်… မီးလေးက အေးဆေးပေါ့ အပြင်မှာက ပန်းအိုးတွေပဲရှိတာ လေတိုက်မယ်ဆိုတော့ တိုက်ပေါ့ မီးတွေတော့ မိန်းချထားလိုက်တယ်… ၈နာရီလောက်မှာ လျှပ်စစ်မီးတွေ ပျက်သွားပါတယ်… ၁၀နာရီ ပတ်ဝန်းကျင်လောက်တည်းက မိုးရွာရာကနေ လေနည်းနည်းပါလာပြီ… ၁၁နာရီလောက်ထိ အင်ဗက်တာနဲ့ MRTV4မှာ မုန်တိုင်းသတင်း တောက်လျှောက်ကြည့်နေလိုက်သေးတယ်… ခဏနေတော့ ၀င်အိပ်လိုက်ပြီး ၁နာရီခွဲကျော် ကျော်လောက်မှာ လေတိုက်နှုန်းက ကြမ်းနေပြီ တ၀ုန်းဝုန်းတဖြောင်းဖြောင်းနဲ့ အိပ်ယာထဲကလည်း ထမကြည့်ရဲ မထိုင်လည်း မထိုင်ရဲနဲ့ ဖုန်းတွေလျှောက်ခေါ်ကြည့်လိုက်သေးတယ်… ဖုန်းလိုင်းတွေရသေးတယ် အားလုံးကို ဘာမှစိတ်မပူဖို့ ဖုန်းဆက်ပြီး အိပ်လည်းမပျော်၊ တညလုံးအိပ်လို့လည်းမရ ဒါနဲ့ ၅နာရီလောက်ကျတော့ မထူးတော့ပါဘူးဆိုပြီး တအိမ်သားလုံး အိပ်ယာကထပြီး ဘုရားစာချည်း ရွတ်နေလိုက်တယ်…

ကိုယ့်ကိုကယ်ဖို့မပြောနဲ့ အနီးအနားက ကျိုက္ကဆံဘုရား၊ အာနန္ဒာဘုရားတွေ စိန်ဖူးတော်မြေခနေပြီ… စံပြဆေးရုံက လူနာတွေ ဘယ်လိုနေရတယ်မသိ… ခေါင်မိုးမရှိတော့ ဟောင်းလောင်းဖြစ်နေပြီ… သရက်ပင်က သရက်သီးတွေကလည်း ပန်းကြဲထားသလား အောက်မေ့ရတယ် တလမ်းလုံးကို ဖွေးလို့… ခဏလည်းနေရော အိမ်ရှေ့က အုန်းပင်ကလည်း အုန်းအခိုင်လိုက်ကြီး ပြုတ်ကျတယ်၊ အိမ်ခေါင်းရင်းက သရက်ပင်က တအိအိနဲ့ လှဲကျသွားပါလေရော၊ လေတွေကလည်း မနက်၅နာရီနောက်ပိုင်းမှာ ပိုပြီးကြမ်းလာတယ်၊ အိမ်ခေါင်မိုးတွေကလည်း တဗြန်းဗြန်းနဲ့ သံတွေ ဆွဲဆွဲချွတ်တဲ့အသံ တဖြောက်ဖြောက်နဲ့ ဘုရားကြီးတနေရတယ်… ဒီကြားထဲ လေတွေ ဒီလောက်ပြင်းထန်နေတာ ကိုယ့်အသက်အန္တရာယ်မှမကြောက် သရက်သီးကောက်တဲ့သူတွေ၊ ငှက်ကောက်တဲ့ သူတွေကလည်း မနည်း၊ ကုန်ပါပြီ သရက်သီးတွေပေါ့… နောက်ဆုံး ကိုယ့်အပင်ကပစ္စည်း မစားလိုက်ရမှာစိုးလို့ လေငြိမ်တဲ့အချိန် တလုံးရရ နှစ်လုံးရရ ပြေးကောက်၊ လေပြန်တိုက်လာရင် အိမ်ပေါ်တက်ပြေးနဲ့ ခြင်းနှစ်လုံးစာလောက်ရတော့ မကောက်တော့ဘူး…

လေတိုက်နေတာကို တံခါးဖွင့်ပြီး ရပ်ကြည့်နေလိုက်တယ်… လေအဝှေ့မှာ အမှိုက်တွေလွင့်ပါလာရင် တံခါးကို အတင်းဆွဲပိတ်၊ လေတိုက်နေတဲ့အချိန်မှာ ပြတင်းပေါက်တံခါးတောင် တယောက်တည်းအားနဲ့ မပိတ်နိုင်လောက်အောင် လေရှိန်က တအားကို ပြင်းထန်နေတယ်… ၁၀နာရီ-၁၁နာရီ ပတ်ဝန်းကျင် လောက်ကျတော့ မိုးစလေးတွေ ပါလာတယ်… မိုးရွာရင်တော့ လေအရှိန် နည်းနည်းလျော့သွားလောက်မယ် အောက်မေ့တာ မိုးရော လေရော သူများအိမ်တွေတော့ ခေါင်မိုးမရှိတော့ဘူး… မီးလေးတို့ အိမ်တော့ ခေါင်မိုးတော့မပါသွားဘူး… မိုးရွာမှ ရေတွေဝင်တာ အိပ်စရာတောင် နေရာမရှိဘူး… တော်တော်ကြာ သစ်ပင်လဲပြန်ပြီ၊ နောက်တပင် လဲပြန်ပြီနဲ့ အပင်ကြီးတွေ တပင်မှ မကျန်တော့ဘူး…

အိမ်ထဲကလည်း အိမ်ပြင်ထွက်မရတော့ဘူး… အိမ်ရှေ့အပေါက်တည့်တည့်မှာ အပင်တွေလဲပြီး ပိတ်နေလို့… ရှိသမျှ ပိန္နဲ၊ ဒန့်ဒလွန်၊ ပြည်ပန်းညို၊ သရက် အကုန် အမြစ်က ကျွတ်ထွက်ပြီး အနိစ္စသဘောနဲ့ ကိစ္စချောနေပြီ… မလဲတဲ့အပင်ကျတော့လည်း အရွက်တွေ မရှိတော့… အပင်တွေ ကတုံးတွေဖြစ်ကုန်ပြီ… ၁နာရီလောက်မှာ လေရောမိုးရော အားလုံးအေးအေးဆေးဆေးဖြစ်သွားပါပြီ… ဒါနဲ့ ဘာတွေဖြစ်သွားလည်း လိုက်စပ်စုရင်း ကျိုက္ကဆံဘုရားနားက ဘုန်းကြီးကျောင်းတကျောင်းကို ခွကျော်ပြီး ရောက်သွားခဲ့တယ်… တ၀န်းလုံး ရစရာမရှိအောင် ပျက်စီးနေပြီ… တကျောင်းလုံး ရှိသမျှ အပင်တွေလဲ၊ လဲတဲ့အပင်တွေက အုတ်နံရံတွေကို ပြိုကျစေခဲ့ပြီ၊ ဒါ့အပြင် သီလရှင်တွေ သီတင်းသုံးနေထိုင်တဲ့ ဇရပ်တွေကိုလည်း ပြားပြားဝပ်စေခဲ့ပြီ… ခေါင်မိုးတွေ ဆိုတာလည်း ဘယ်ဆီများမှာပါလိမ့်… တဆက်တည်း သတိရမိတာက ရန်ကုန်က ဘလော့ဂ်ဂါတွေရဲ့ အိမ်တွေရော ဘာတွေ ဖြစ်သွားကြသေးလဲလို့ တွေးပူနေမိတာတော့ အမှန်ပါ…

ဘုန်းကြီးကျောင်းလာတဲ့ ဘုရားလမ်းတလျှောက် ပြန်ကြည့်မယ်ဆိုရင်လည်း ဘုန်းကြီးကျောင်းတိုင်း ရှိသမျှ သံဃာတွေ အပင်တွေ ခုတ်နေကြရတယ်… ကိုယ်ထူကိုယ်ထ လမ်းမှာရှိတဲ့အပင်တွေ လမ်းသွားလို့ရအောင် ရပ်ကွက်က ၀ိုင်းဝန်းခုတ်သင် နေကြရတယ်… ဘုရားဝန်းကို ပိတ်ထားတဲ့ ကျိုက္ကဆံဘုရားကို ကြည့်ဦးမလား အုတ်နံရံတွေက ပြို၊ ဘုရားရင်ပြင်တော်ပေါ်က ခရေပင်ကြီးတွေ အားလုံးလဲ၊ ဘုရားတန်စောင်းတွေမှာ ခေါင်မိုးတွေ မရှိတာက မရှိ၊ သစ်ပင်တွေကြောင့် ပေါက်ပြဲတာက ပေါက်ပြဲလို့၊ တောင်ဘက်ကို ကြည့်ပြန်တော့ ခရေပင်ကြီးတွေက ဆိုင်ခန်းပေါ်လဲတာ ပြားပြားဝပ်၊ မြောက်ဘက်ကျပြန်တော့ စိန်ပန်းပင်၊ ကုက္ကိုလ်ပင်တွေက လဲကျနေတာ ကားလမ်းမှမှာပိတ်လို့…< ဒါနဲ့ ရတနာလမ်းတလျှောက်သွားကြည့်ကြည့်တယ်… တလမ်းလုံးလည်း အပင်တွေဆိုတာလည်း အတုံးအရုံး၊ အိမ်တွေဆိုတာလည်း လူတိုင်း ခေါင်မိုးပေါ်မှာ၊ ထပ်မြင့်တိုက်တွေရဲ့ ခေါင်မိုးမှာ ထောင်ထားတဲ့ စလောင်းဆိုတာ ရိုးတံလေးတွေပဲကျန်ခဲ့တယ်… အပင်တွေ၊ မီးကြိုးတွေကို ကွေ့ပတ်သွားနေကြတဲ့ကားတွေ၊ တချို့က နေလို့မရတော့လို့ တခြားအမျိုးတွေအိမ် ပြောင်းနေကြတယ်၊ ဆိုက်ကား ငှားသွားမလား အောက်မေ့တယ်၊ တစင်းမှမတွေ့၊ တွေ့ပြန်တော့လည်း ဘယ်ဆိုက်ကားကြည့်ကြည့် သွပ်ပြားတွေနဲ့၊ ကားတွေလည်း ကြည့်ဦးမလား၊ ကိုယ်ပိုင်ကားပေါ်လည်း သွပ်ပြား၊ တက္ကစီပေါ်လည်း သွပ်ပြား၊ လမ်းဘေးဓာတ်တိုင်တွေ ဆိုတာကလည်း ကျိုးကျ ဘယ်အငြိုးနဲ့များ တိုက်လိုက်လေသလဲ နှာကစ်ရယ်… လမ်းမှာ အသိတယောက်နဲ့တွေ့တော့ ဘယ်သွားမလို့လည်း မေးကြည့်တော့ သွပ်က တန်းစီဝယ်ရတယ်… သွပ်ရပြန်တော့ သွပ်သံ မရှိလို့ ခုဆယ်ရပ်ကွက်ဈေးသွားကြည့်မလို့တဲ့… သွပ်သံအသံကြားလိုက်တာနဲ့ အုံလာလိုက်တဲ့သူတွေ ဘယ်မှာရလဲ၊ ဘယ်မှာရလဲနဲ့ မီးလေးကလည်း မသိပါဘူးလို့ ပြန်ပြောပြီး ရှေ့ကို ဆက်ထွက်လာလိုက်တယ်… ၉၆၉၃နဲ့ သွားနေတာလေ… မြင်ရက်စရာ မရှိအောင် ပျက်စီးကုန်ရော၊ တချို့ဆို ရပ်ကွက်အသီးသီးမှာ ယာယီပေးထားတဲ့ ဒုက္ခသည်စခန်းမှာ နေကြရတယ်… ဈေးသည်တွေလည်းမရှိ၊ အိမ်ဆိုင်လေးတွေကလည်း တံခါးပိတ်၊ ဖွင့်တဲ့ဆိုင်ကြတော့လည်း အပေါက်ကလေး တပေါက်ပဲဖွင့်ရောင်းတယ် မတိုးနိုင်… အဲနေ့ကဆို တော်တော်များများ ထမင်းငတ်တယ်၊ မီးလေးကတော့ အိမ်မှာဆန်ရှိနေတော့ ထမင်းနဲ့ ရေခဲသေတ္တာထဲရှိတဲ့ ဟင်းရွက်တွေနဲ့ မနေ့က ဟင်းကျန်နဲ့ ဗိုက်ပြည့်ခဲ့ပြီ… မနက်ဖြန်ဆို ဆိုင်တွေဖွင့်မှာ မဟုတ်သေးတော့ ခေါက်ဆွဲထုပ်လေးများ ရလိုရငြားပေါ့… ကံကောင်းထောက်မစွာ ဟင်းရွက်သည် တသည်တွေ့တော့ အပြေးအလွား သွားဝယ်ရတာပေါ့… ဈေးသည်လေးက “ကျွန်မလေ ပြန်တောင်ပြန်ရောက်ပါ့မလားတောင် အောက်မေ့တာ… ဒီလောက်ဖြစ်မယ်မထင်လို့ ခါတိုင်းလို ဈေးသွားကြိုလိုက်တာ ည၁၁နာရီလောက် သီရိမင်္ဂလာဈေးရောက်နေပြီ… မနက်လည်းကျရော မြင်မကောင်းလောက်အောင်ပဲ သွပ်ပြားတွေကြောင့် လည်ပင်းတွေ ပြတ်လို့ပြတ်၊ အိမ်အလုံးလိုက်ကျွတ်ထွက်တာလည်း တွေ့ခဲ့ရတယ်… ကျွန်မတသက် မကြုံဖူးပါဘူး… ဒီတခါပဲ ပြန်မယ်ဆိုပြီး ကားငှားတော့လည်း ဘယ်ကားမှမလိုက်ဘူး… လူကို သေချင်စော်ကိုနံသွားတာပဲ”ဆိုပြီး သူမရဲ့ ပြောဆိုနေတာ ကြားပြီးနောက်မှာတော့ မီးလေးလည်း ဈေးဆစ်မနေတော့ပါဘူး သူမတောင် အသက်ရင်းပြီး ရှားရှားပါးပါးရခဲ့တဲ့ အသီးအနှံတွေကို ကိုယ်လိုချင်သလောက် ယူပြီး သူတောင်းသလောက် ပေးလိုက်ပါတယ်… မီးလေးတို့ ရန်ကုန်မှာ ထိုသို့သော ပျက်စီးခြင်းမျိုး(သို့) သဘာဝဘေးအန္တရာယ်နှင့် ကြုံရလိမ့်မည်ဟု ဘယ်တုန်းကမှ မထင်ခဲ့… သူတပါးနိုင်ငံတွေ ရေကြီးတယ်၊ မုန်တိုင်းတိုက်တယ်၊ ငလျင်လှုပ်တယ်ဆိုတာတွေ ကြားရတိုင်း မီးလေးပြောနေကျ စကားတခွန်း ရှိပါတယ်… မီးလေးတို့နိုင်ငံက ဗုဒ္ဓဘာသာကို သက်ဝင်ယုံကြည်တဲ့ နိုင်ငံ၊ အမျိုးဘာသာ သာသနာထွန်းကားတဲ့နိုင်ငံဖြစ်လို့ သဘာဝဘေးအန္တရာယ်တွေကို မခံစားရဘူးလို့ ပြောလေ့ရှိပါတယ်… တိုင်းပြည်တပြည်မှာ ဥတုသုံးပါးဖောက်ပြန်ရင် ဘာဖြစ်လို့ပါလိမ့်… မီးလေးက ဗုဒ္ဓဘာသာ မြန်မာလူမျိုးဖြစ်လို့ ဗုဒ္ဓဘာသာကို သက်ဝင်ယုံကြည်တယ်… မိရိုးဖလာ ကိုးကွယ်တာမျိုး မဟုတ်ဘဲ လူမှန်းသိတတ်စ အရွယ်တည်းက ယုံယုံကြည်ကြည် ကိုးကွယ်ဆည်းကပ်တယ်… ဒါကြောင့် ကံ ကံ၏အကျိုးကို ယုံကြည်တယ်… ခုဆို လူတော်တော်များများဟာ အကျင့်သီလတွေ ဖောက်ပြန်လာတယ်… မတရားမှုတွေ များလာတယ်… မကောင်းမှုဒုစရိုက်တွေလည်း များလာတယ်… အကျင့်စာရိတ္တတွေလည်း ပျက်ပြားလာတယ်… ဘုရားမှန်း၊ တရားမှန်း၊ သံဃာမှန်း၊ လူကြီးမှန်း၊ ဘာမှန်းမသိတဲ့သူတွေ အတော်များလာတယ်… မမှန်ကန်မှုတွေလည်း မှိုလိုပေါက်လာတယ်… ဒါကို သတိထားဆင်ခြင်နိုင်ဖို့ သတိပေးလိုက်တာပဲလို့ ယုံကြည်မိပါတယ်… လူတော်တော်များများလည်း သိပြီးဖြစ်မှာပါ တရုတ်လူမျိုးများကိုးကွယ်တဲ့ ကွမ်ရင်မယ်တော်ရဲ့ နောက်ခံသမိုင်းကို ကြည့်မယ်ဆိုရင် ဘုရားက သတ္တ၀ါတွေကို ကယ်တင်ဖို့ ရဟန်းတော်တပါးကို လူ့ပြည်ကို စေလွှတ်ခဲ့တယ်… ဘယ်လိုကယ်တင်ဖို့လဲ… လူတိုင်း မသိကျိုးကျွံ့ပြုနေတာတွေ သိလာအောင်၊ သတိရှိလာအောင် လမ်းညွှန်ပေးဖို့ပါပဲ… လူ့ပြည်မှာ လူဖြစ်ပြီး အပျိုဖော်ဝင်စအရွယ်မှာ မိန်းကလေးတို့ ဘာသာဘာဝ ချစ်သွေးကြွယ်လို့ ချစ်ခွင့်ပန်တဲ့ သူငယ်အပေါ် စိတ်ကစားမိစဉ်မှာပဲ ကောင်းကင်ကနေ အချိန်အခါမဟုတ် မိုးရွာ၊ မိုးကြိုးတွေပစ်ပြီး သတိပေးခဲ့ပါတယ်… ထိုအချိန်အတွင်းမှာပဲ မြတ်စွာဘုရားခိုင်းတဲ့အလုပ် မေ့တော့မလို့ပါလားဆိုပြီး ဆင်ခြင်နိုင်ခဲ့ တယ်… မြန်မာဘုရင်တွေလက်ထက်မှာလည်း ရှိခဲ့ပါတယ်… ဘုရားလက်ထက်မှာ ဘုရင်က မင်းကျင့်တရား ဖောက်ပြားတယ်၊ တိုင်းသူပြည်သား တွေကလည်း အကျင့်စာရိတ္တတွေပျက်ပြားလို့ မိုးခေါင်ရေရှားခဲ့တယ်… နောက်ဆုံးမှာ ကောင်းကင်ကနေ သိကြားမင်းနဲ့အပေါင်းပါတို့က မုဆိုးနဲ့ အဆမတန်ကြီးမားတဲ့ ခွေးနက်ကြီးယောင်ဖန်ဆင်းပြီး ဆုံးမတော်မူတဲ့ ဇာတ်တော်ရှိပါတယ်… အသေးစိတ်ကိုတော့ ပြန်လည် မဖော်ပြလိုတော့သဖြင့် အသေးစိတ်ဖတ်ရှုချင်ရင် ဘုရားလက်ထက် ငရဲမကြောက်သူများဆိုတဲ့ စာအုပ်မှာ ဖတ်ရှုနိုင်ပါတယ်… ထိုစာအုပ်များကိုလည်း ဘုရားစောင်းတန်းတွေမှာ ၀ယ်ယူရရှိနိုင်ပါတယ်… အချုပ်အားဖြင့် ဗုဒ္ဓသာသနာထွန်းကားတဲ့ နိုင်ငံပီပီ ရတနာသုံးပါးကို အမြဲမပျက် ကိုးကွယ်ဆည်းကပ်သင့်ပါတယ်… အနည်းဆုံး သရဏဂုံ သုံးပါးနှင့်တကွ ငါးပါးသီလကို ခါးဝတ်ပုဆိုးလို မြဲမြံစွာ စောင့်ထိန်းပါ… အကျင့်သီလမပျက်ပြားရအောင် ထိန်းချုပ်ပါ… ထိုသို့သာ ရတနာသုံးပါးနှင့်တကွ အကျင့်သီလများ ပျက်ပြားခြင်း မရှိခဲ့ပါလျှင် နာဂစ်ဆိုသော မုန်တိုင်းသည်လည်း နှာကစ်ပြီး ၀င်နိုင်ပါမည်လား? အခြားခြားသော မုန်တိုင်းတို့သည် လာနိုင်ပါဦးမည်လား? သတိနဲ့ ဆင်ခြင်သင့်ပါသည် မဟုတ်ပါလား…

မီးလေး ခရီးသွားမှတ်တမ်း - ၂

လမ်းမှာ ရွှေရင်အေးအကြောင်း ပွစိပွစိပြောကြရင်း ကျောက်ဆည်-မန်းကားနဲ့ ကျောက်ဆည်ကို ပြန်လာကြပါတယ်… တလမ်းလုံးလည်း ဟာသတွေပြောရင်းပေါ့… မီးလေးသူငယ်ချင်းက ခရစ်ယာန်လေ… သူတို့ ဘုရားကျောင်းက ၁လသင်တန်းတက်တုန်းက အကြောင်းတွေ ပြောကြရင်း ကားပေါ်မှာ မသိရင် မီးလေးတို့ လေးယောက်ထဲရှိတဲ့အတိုင်းပဲ… ကားကလည်းချောင်တော့ အပြင်လူနှစ်ယောက်လောက်ပဲ ပါတယ်… သူတို့သင်တန်းမှာ အချိန်နဲ့စား၊ အချိန်နဲ့အိပ်ရတယ်တဲ့လေ အချိန်ကျော်သွားရင် ဘာမှမစားရဘူးတဲ့ စားတာမိရင် အပြစ်ပေး ခံရတယ်တဲ့… မီးလေးသူငယ်ချင်းက ဗိုက်ဆာတယ် ထမင်းစားရအောင်ဆိုတော့ ကျန်တဲ့သူတွေကလည်း စားမယ်ဆိုပြီး ထမင်းချိုင့်ထဲ ခိုးယူလာတာ မီးလေးသူငယ်ချင်းအပါအ၀င် လေးယောက်လွတ်သွားပီး ခုနစ်ယောက်မိသွားတယ်တဲ့လေ… မိသွားတဲ့သူတွေကို ဆရာက အပြစ်ပေးတယ်တဲ့… အဲ့အပြစ်ဘယ်လိုပေးတယ်ထင်လဲ… ချီး ပုံး၂၀သွန်ခိုင်းတယ်တဲ့… နင်တို့အပြင် ဘယ်သူပါသေးလဲ မေးတော့ မပါဘူး ဖြေပေးကြတော့ သူတို့လွတ်သွားလို့ တယောက်တပုံးစီ ၀ိုင်းကူပေးလိုက်ကြတယ်တဲ့…

နောက်တခါက တပတ်တခါ အသားဟင်းချက်ကျွေးတယ်တဲ့… အသားဟင်း မစားရတာကြာတော့ သူတို့ကို ကြက်သားဟင်း စားမလားဆို လာမေးတယ်တဲ့… သူတို့ကလည်း ငတ်ငတ်နဲ့စားမယ်ဆို ယူစားကြတယ်တဲ့… မစားရတာပဲ ကြာလို့လား၊ ချက်တဲ့သူပဲ အချက်တော်လို့လားမသိဘူး အတော်စားကောင်းတယ်ဆိုပဲ… နောက်နေ့လည်း မိုးလင်းရော ဆရာက မနေ့ညက ခွေးဘယ်သူသတ်လဲ အသံကြားတယ်ဆိုတော့ ကောင်လေးတွေက ကျွန်တော်တို့သတ်တာပါဆိုပြီး ၀န်ခံကြတယ်တဲ့၊ ဘယ်သူချက်လဲမေးတော့လဲ သူတို့ပဲတဲ့လေ… စားတဲ့သူ ဘယ်သူတွေပါလဲဆိုတော့ အယောက်၂၀လောက်ရှိမယ်တဲ့၊ စားတဲ့သူတွေတော့ တယောက်တချက်စီ ရိုက်ခံရတယ်တဲ့လေ…

မီးလေးသူငယ်ချင်းက အိမ်မှာလည်း လုပ်နေကျမဟုတ်တော့ ဘာမှမလုပ်တတ်ဘူးပေါ့… ဆရာကတံမြက်စည်း လှဲခိုင်းတာ အချိုးမကျလို့ သင်ပေးတယ်တဲ့ သူကလည်း ဆရာသင်ပေးတာကို ကြိုက်တယ်တဲ့… အမှန်က သူသက်သာလို့တဲ့လေ… လှဲခိုင်းပြန်ရင် မဟုတ်ရင် သင်ရင်းနဲ့ အကုန်ပြီးသွားပါရောတဲ့… နောက်ရက်လည်း ထပ်လှဲခိုင်းရော ဆရာ ပြန်သင်ပေးပါဦးလို့ သွားပြောတော့ ဟိုက အကြောင်းသိသွားပြီလေ… ကိုယ့်ဟာကိုယ် ရအောင်လှဲလို့ ပြောသွားတယ်တဲ့… ထမင်းစားချိန်ကျော်တဲ့အချိန်မှာ ဆရာ မုန့်စားခွင့်ရှိ မလားလို့ သွားမေးတော့ မုန့်ဝယ်ကျွေးတယ်တဲ့လေ… နောက်သူတို့ အားလုံးအပြစ်ဆင်ခြင်တဲ့အချိန်မှာ အချိန်ကျော်မှ မုန့်စားလို့ တယောက်တချက်စီရိုက်ပါတယ်တဲ့… သင်တန်းပြီးလို့ ပြန်လာပြီး ၃လလောက်အကြာမှာ သင်တန်းဆရာ အိမ်လာလည်လို့ သူ့အမေက အအေးသွားဝယ်ခိုင်းတာ မတိုက်နိုင်ဘူး ကျွန်တော့ကို သင်တန်းမှာ မုန့်လည်းဝယ်ကျွေးသေးတယ်၊ ရိုက်လည်းရိုက်တယ် ဘာမှ မကျွေးနဲ့လို့ ပြောလိုက်တာ သူ့အမေ ဆရာ့ကို တောင်းပန်လိုက်ရပါလေရောတဲ့…

တလမ်းလုံးစကားတွေများလာပြီး ၂နာရီကျော်လောက်မှာ ကျောက်ဆည်ကို ပြန်ရောက်ပါတယ်… ရန်ကုန်သူပေမဲ့ တုန်းတယ်ဗျာ… တခါမှ မစားဘူးတဲ့ မာလာဟင်းနဲ့ ထမင်းစားပြီး မနက်ဖြန် ဘွဲ့သွားယူရင် ပြင်ဖို့ဆင်ဖို့အတွက် လိုအပ်တဲ့ပစ္စည်းတွေ သွားဝယ်ကြပါတယ်… ပြီးတော့ အရမ်းလှတဲ့ သစ်ခွခြံကိုလည်း ရောက်ခဲ့ရပါတယ်… ညပိုင်းရောက်တဲ့အချိန်မှာတော့ မီးဖိုချောင်ထဲ တခါမှ မ၀င်ဘူးတဲ့ မီးလေး လက်စွမ်းပြပါတော့တယ်… အိမ်ရှင်တွေက ကားငှားဖို့၊ ဘာဖို့၊ ညာဖို့ သောကများနေလို့ မီးဖိုချောင်ကို လှည့်မကြည့်နိုင်ပါဘူး… ဘွဲ့သွားယူတာ လိုက်ချင်တဲ့ သူတွေက ၁၅ယောက်လောက်ရှိတော့ ဘွဲ့ယူပြီးရင် မန်းလေးကို လည်ကြမှာဆိုတော့ ၀ယ်စားတာထက် ပျော်ပွဲစားသဘောမျိုးစားကြဖို့ စီစဉ်ရပါတယ်… မီးလေးက ရန်ကုန်က ရခိုင်ခြောက်လေးတွေ ၁ပိဿဝယ်သွားတယ်လေ… အဲငါးခြောက်ကို ငရုတ်သီးအကြမ်းဖတ်နဲ့ ခပ်စပ်စပ်လေးကြော်လိုက်တယ်… အဲနားက ပူတူးဆိုတဲ့ ကောင်လေးက မီးလေးသူငယ်ချင်းအိမ်က ကြက်လေးတွေ မွေးထားတယ်လေ… ဘယ်အချိန်က သတ်လိုက်မှန်းတောင် မသိလိုက်ဘူး ကြက်လာပေးတယ်… မီးဖိုချောင် မ၀င်ဖူးပါဘူးဆိုမှ အခက်ကိုတွေ့ရော ၀ိုင်းကူတဲ့ ကလေးတွေကလည်း မချက်ဘူးတဲ့သူတွေ နောက်တော့ သူငယ်ချင်းတယောက်နဲ့ ပူတူးပဲ ကြက်သား ခုတ်ပေးကြတယ်… ချက်တာတော့ မီးလေးကို ချက်ခိုင်းကြတယ်လေ…

ကိုယ်ကလည်း သိပ်ချက်တတ်တယ်မို့လား… အဲအချိန်မှာ ပြေးသတိရမိတာကတော့ မီးလေးတို့ရဲ့ အိမ်ရှင်မ မမလုလုကိုပါပဲ… တဆက်တည်း ကိုးနတ်ရှင်များရလိုက်ရ ပွဲသိမ်းပီလို့ စိတ်ထဲက ရေရွတ်မိပါတယ်… အဲကြက်ကာလသမီးချက်က ၇နာရီတည်းက တည်ထားတာ ည၁၂နာရီထိုးတဲ့အထိ မနူးသေးဘူးဗျာ… အခက်ကိုတွေ့ရော မနက်ကလည်း ငါးနာရီထရမှာ နောက်မထူးပါဘူး ဒီအတိုင်းသာ ပစ်ထားလိုက်တော့မယ်ဆိုပြီး မီးသွေးတွေထည့်ပြီး အိပ်ယာဝင်လိုက်တယ်… မီးနှစ်ဖိုသုံးလို့ တော်သေးတယ်… ဇာဇာဆိုတဲ့ ကောင်မလေးက စပ်ချဉ်ဟင်းဆိုပြီးချက်ပါတယ်… သူဆီသတ်တဲ့အချိန်မှာ ကြက်သည်းမြစ်တွေနဲ့ အူတွေက ပိုနေတယ် မထူးဘူး ရောချက်လိုက်ဆိုပြီး မီးလေးက နှုတ်နှုတ်စင်းပြီး အိုးထဲပစ်ထည့်လိုက်တယ်… သူက ချဉ်ပေါင်တို့ ငါးပိတို့ ငရုတ်သီးတို့ ထည့်ပြီး ဆူအောင်တည်ထားလိုက်တယ်… လက်စသိမ်းမယ်ဆိုပြီး အိုးတွေဆေးမယ်လုပ်တော့ မီးလေးသူငယ်ချင်းအဖေက သူ့သမီးချဉ်ပေါင် ဟင်းချိုကြိုက်တယ်ဆိုပြီး ချက်ထားတာတဲ့ ဘယ်သူမှမစားဖြစ်တော့ဘူးလေ ဒါနဲ့ မထူးပါဘူးဟာဆိုပြီး ဇာဇာစပ်ချဉ်ဟင်းထဲ ဟင်းချို တအိုးလုံး လောင်းထည့်လိုက်ပါတော့တယ်… မီးလေးတို့ ဟင်းတွေ ကိုယ့်ဘာသာကြည့်ပြီး အကုန်ပြုံးစိပြုံးစိလုပ်နေကြပါတော့တယ်…

မနက်၅နာရီထိုးတော့ မီးလေးထပြီး တအိမ်လုံးကို နှိုးရပါတယ်… အနှိုးရခက်ဆုံးက ဘွဲ့ယူမယ့် သူငယ်ချင်းပါပဲ သူ့နှိုးလိုက်တာ တအိမ်လုံးကို နှိုးပါလေရော… အလှပြင်မယ့်သူက ဇာဇာပါ မီးလေးက အကူပေါ့… ဇာဇာက အလှပြင်ဆိုင်မှာ လုပ်တော့ ပြင်တတ်တယ်… ဆံထုံးတော့ မထုံးတတ်ဘူးတဲ့… မီးလေးတယ်ရင်းကလည်း ဆံပင်တိုတော့ မထုံးတော့ဘူးဆိုပြီး ဒီတိုင်းကို သမလိုက်တာပေါ့… ပြင်ထားတာ အဆင်ပြေတယ်ဆိုပြီး အားလုံးက သဘောကျကြတယ်… မိဘနှစ်ပါးကတော့ ပျော်မဆုံး ပြုံးလို့ပေါ့… မီးလေး အရမ်းအားကျမိပါတယ်… မိရယ်၊ ဖရယ်နဲ့ဘွဲ့ယူခွင့်ရလို့ပေါ့… မီးလေးက ကံကောင်းတဲ့သူ မဟုတ်ပါဘူး… မီးလေး ဘွဲ့ယူမှ မဟုတ်ပါဘူး မူလတန်းမှာ ဆုရတိုင်း မီးလေးအဖေ မလိုက်နိုင်ခဲ့ပါဘူး… မီးလေးအဖေက မီးလေးငယ်ငယ်တည်းက ဆုံးသွားလို့ပါပဲ… ဒါကြောင့် မိစုံဖစုံနေရတဲ့ သူတွေကိုတွေ့ရင် အရမ်းအားကျခဲ့ရပါတယ်… မီးလေးတို့လည်း ၀ဋ်ကြွေးရှိလို့နေမှာပါ… ရတနာသုံးပါးကို ဦးထိပ်ထားတယ်တဲ့အတွက် ၀ဋ်ကြွေးတွေ ရှိနေဦးမယ်ဆိုရင် ဒီဘ၀မှာပဲ အပြီးဆပ်နိုင်ပါစေလို့ ဘုရားမှာ အမြဲဆုတောင်းမိပါတယ်…

ဒီလိုနဲ့ မီးလေးတို့ ကျောက်ဆည်ကနေ မန်းလေးကို ၇နာရီခွဲကျော်ကျော်မှာ ထွက်လာကြပါတယ်… ကားသမားက နောက်ကျနေလို့ ကားကို တလမ်းလုံးအမြန်မောင်းပေးပါတယ်… ကားပေါ်မှာ အားလုံး ၁၇ယောက်ပါတယ်… မန်းဘွဲ့နှင်းသဘင်ရှေ့ကို ၈နာရီခွဲမှာ ရောက်ပါတယ်… မီးလေးသူငယ်ချင်းက မီးလေးကို နှုတ်ခမ်းနီ ပြန်ဆိုးပေးပါဦးလို့ပြောတော့ နှုတ်ခမ်းနီဘူးက ဒါဇင်လိုက်ပါတာဆိုတော့ ဇာဇာကို ဒီအရောင်လားဆိုတော့ သူကလည်း ဟုတ်တယ်တဲ့ ဒါနဲ့မီးလေးလည်း ဆိုးပေးလိုက်တယ်… ဆိုးပြီးပြီးချင်းပဲ အေ ရာင်မှားသွားပြီ ဆိုတာသိလိုက်တယ်… ဒါပေမဲ့ အချိန်က မရတော့ဘူး ထားလိုက်တော့ဆိုပြီး ဒီအတိုင်းပဲ ၀င်ခိုင်းလိုက်တယ်… ကင်မရာပါပြီး ရိုက်ခွင့်မရလို့ မရိုက်ခဲ့ရပါဘူး… ကြုံ မကြုံဖူးပေါင် ကိုယ်ပိုင်ကင်မရာများ လုံးဝယူဆောင်ခွင့်မပြုဆိုပြီး ၀င်းထိပ်မှာ ကပ်ထားတာ… ယူခွင့်ပြုလိုက်ရင် ဓာတ်ပုံဆရာတွေ ထမင်းငတ်မှာဆိုးလို့ထင်ပါရဲ့… ဒီကြားထဲမှာ cream-up ဘူးပါလားဆိုတော့ ကိုယ်ကလည်း မကူညီရရင် မနေနိုင်တဲ့သူ cream-upရိုက်ဖို့မှတ်လို့ ဒိုယူးလေးထုတ်ပေးလိုက်တယ်… ပေးမိကာမှ ငါးပါးမှုတ်ဘူး၊ သံဃာစင်ပါမှောက်လေခြင်း၊ ကျေးဇူးရှင်မမက ပဲပေးပြီး ဗွီဒီယိုရိုက်ဖို့ ငှားတာ နည်းနည်းဟန်ဆိုတော်ရောပေါ့ ဘယ်ပြောင်းလိုက်၊ ညာပြောင်းလိုက်၊ ပြီးပြီလားဆိုတော့ မပြီးသေးဘူး နေရာတောင် ပြောင်းရိုက်သေး။ ကိုယ်ကလည်း သွားချင်နေပြီ အချိန်က ကပ်နေပြီ၊ မီးလေးက ဘွဲ့ယူပြီးသားဆိုတော့ သူတို့ကလည်း ကိုယ့်ပဲအကုန်လွဲထားတယ် ထိုင်ခုံပို ၀ယ်ဖို့လည်း ကိုယ့်ပဲစီစဉ်ခိုင်းထားတော့ ဒုက္ခရောက်ပြီ… ကျန်တဲ့သူတွေမှာထားခဲ့ရအောင်လည်း ဘယ်အမြီးဖမ်းရမှန်းမသိ… ဘွဲ့ရမောင်မယ်တွေ ခန်းမထဲဝင်ဖို့ ခေါ်နေပြီ ပဲမမက မပြီးသေးဘူး… တောင်းပြန်လည်း တွန့်တိုရာကျမယ်… တောင်းရအောင်လည်း အားနာနဲ့… ရွစိရွစိကို ဖြစ်နေရောပဲ…

ပဲမမက ဒါတောင်ပေးချင်ပုံပေါ်ဘူး… ယူပြီးသွားတော့မလို့ အားနာနာနဲ့ပဲ ပြီးရင် ညီမပြန်ယူသွားတော့မယ်နော်ပြောမှ ပြန်ပေးခဲ့တယ်… ကိုယ်က ရန်ကုန်ပဲကျွမ်းတာ၊ သူတို့အထာလည်း မသိတော့ ဟိုမေး၊ ဒီမေးပေါ့ နောက်တော့ ခုံဝယ်ချင်ရင် သူတို့သွားမေးပေးမယ်ဆိုပြီး ဓာတ်ပုံဆရာတယောက်က သွားမေးပေးတယ်… ၀ယ်လို့ရတယ် တစောင်သုံးထောင်တဲ့… ရန်ကုန်မှာက တခုံ၅၀၀တောင် ၀ယ်မဲ့သူ မရှိလို့ နှစ်ထောင်ဖိုး ငါးစောင်အော်ရောင်းနေတာ… မီးလေးတယ်ရင်းကလည်း မီးလေးတို့ သူငယ်ချင်းနှစ်ယောက်ကို လိုက်စေ ချင်တယ်… သူ့အဒေါ်ကလည်း လိုက်ရမယ် သုံးစောင်ဆိုတော့ ကိုးထောင် တော်ပြီ တယ်ရင်း မီးလေးတို့က ကိစ္စမရှိဘူး နင့်အဒေါ်သာ ခေါ်သွားဆိုပြီး တစောင်ဝယ်ပေးလိုက်တယ်… ကားဆရာက ထိုင်စောင့်နေရမယ့်အတူတူ သူတို့ဘွဲ့ယူနေတဲ့အချိန် မန်းတောင်နဲ့ တိရစ္ဆာန်ဥယျာဉ်လိုက်ပို့ပေးမယ် ၁၁နာရီခွဲအမီ ပြန်လာမယ်လို့ပြောပါတယ်… ဒါနဲ့ မီးလေးတို့တွေ ခြေစင်္ကြာ လှည့်ခဲ့ကြပါတော့တယ်…

သူငယ်ချင်းများအတွက် လောင်ဆက်...

သူငယ်ချင်းတွေအတွက် ပါလာတဲ့လက်ဆောင်နော် မလုကြနဲ့နော်... ဖြည်းဖြည်းယူကြ

ဆရာကြီး မင်းသိင်္ခ ကပ်ကင်းရိုက်ထားတဲ့ အဆောင်တဲ့ဗျား ကြိုက်တဲ့အကောင်သာ ယူသွားကြတော့...
နောက်တခုကတော့ ဘလော့ဂ်ဂါ မမတွေအကြိုက် ခရုဆွဲကြိုးလေးတွေ တင်ပေးမလို့ပဲ ရှိသေးတယ် ကိုးနတ်ရှင်က မိုးမိနေတယ် ထင်ပါရဲ့ နှာစေးချောင်းဆိုးဖြစ်နေလို့ နောက်နေ့မှ ဆက်တင်ပေးမယ်နော်...

လာပြီ မမတွေအတွက် ခရုဆွဲကြိုး


နောက်တခုက ကိုကို မမတွေအတွက် ဟန်းချိန်းနဲ့ ကီးချိန်းလှလှလေးတွေ...

ဒါကတော့ ဘလော့ဂ်ဂါ မမတွေအတွက်...

တယ်ရင်းတွေအတွက် လတ်လတ်ဆတဆတ် သင်္ဘောသီးတွေ... ထိုးဆေး၊ ဓာတ်မြေသြဇာ ဘာမှသုံးထားဘူးရှင့်... ကြိုက်သလောက်ခူး....

မီးလေးတောင် နှစ်လုံးခူးထားသေး...

ဒါက ဇရပ်ဖြူမှာ ညစာဖိတ်လို့ သွားစားရင်းနဲ့ အလှူအောင်ပွဲ ပွဲရှိတယ်ဆိုလို့ သွားကြည့်ရင်းက တယ်ရင်းတွေ သတိရလို့ ရိုက်လာတဲ့ မုန့်မုန့်....

အ၀သာစား မလောက်ရင် ထပ်ကြော်ခိုင်းလိုက်မယ်...

မီးလေး ခရီးသွားမှတ်တမ်း - ၁

မီးလေး ၂၇ရက်နေ့ ည ၁၀နာရီ၁၅မိနစ်မှာ ရန်ကုန်ဘူတာကြီးကို ဆိုက်ရောက်၍ ရန်ကုန်ရွှေမြို့တော်ကြီးကို ပြန်လည်ရောက်ရှိလို့လာခဲ့ပါပြီ… ခရီးစဉ်တလျှောက် ပျော်စရာများ၊ စိတ်ညစ်စရာများအား အပိုင်းလိုက် ဖော်ပြပေးသွားမည် ဆိုသည့်အကြောင်း အသိပေးလိုက်ပါတယ်… မီးလေးရဲ့ ညီအစ်ကိုမောင်နှမ၊ သူငယ်ချင်း ဘလော့ဂ်ဂါများအတွက် လက်ဆောင်တွေနဲ့ မုန့်တွေပါလာတယ်… ကိုးနတ်ရှင် ကောင်းရင်တော့ အမြန်ဆုံး တင်ပေးမယ်နော်… ကိုးနတ်ရှင်ကောင်းဖို့ ၀ိုင်းဆုတောင်းပေးကြပါဦး…

မတ်လ ၃၀ရက်နေ့ ညနေ ၅နာရီမှာ နယူးမန္တလာထွန်း- ရန်ကုန် မန္တလေးကားနဲ့ ရန်ကုန်ရွှေမြို့တော်ကို လက်ပြနှုတ်ဆက်ရင်း ကျောက်ဆည်မြို့ကို ထွက်ခွာခဲ့ကြပါတယ်… မိုးတွေကြားထဲမှာ ပဲခူးမြို့ကို ဖြတ်ခဲ့ကြပါတယ်… ပဲခူးမှာပဲ ကျန်းမာရေးအတွက် ၁၅မိနစ်နားခဲ့ကြပါတယ်… ထိုမှတဆင့် ခရီးဆက်လက် ထွက်ခွာလာခဲ့ကြပါတယ်… တလမ်းလုံး ဗွီဒီယို ကြည့်လိုက်၊ အမ်ပီသရီးနားထောင်လိုက်၊ အိပ်လိုက်၊ ညအလှတွေ ခံစားရင်းနဲ့ လယ်ဝေးကို ည၁၂နာရီအကျော်လေးမှာ ရောက်သွားပါတယ်… ထုံးစံအတိုင်း နေပြည်တော် ၀င်ကာနီးမှာ မှတ်ပုံတင်နဲ့ လူနဲ့ စစ်ဆေးပါတယ်… ကားပေါ်မှာ ပါလာသမျှ ခရီးသည်တွေအားလုံးကို ဆင်းခိုင်းပါတယ်… ကလေးအိပ်ပျော်နေလို့ ဆင်းရခက်တဲ့ ကလေးအမေတယောက်ကို ကြည့်ရတာ စိတ်မသက်သာလို့ မီးလေးလျှာဝင်ရှည်လိုက်သေးရဲ့… ကလေးအမေတွေမဆင်းလည်းရတယ် မဆင်းနဲ့လို့လေ… သိလို့တော့ မဟုတ်ပါဘူး… ဟိုတခေါက် ရွှေမန်းသူနဲ့သွားတုန်းက ကလေးအမေကလွဲလို့ အားလုံးဆင်းဖို့ ပြောတာကြုံဘူးလို့ပါ… ဒါပေသိ ကားဆရာတော်ပါတယ် ကားမီးမှိတ်ပြီး ဂိတ်ကို ဖြတ်ပေးပါတယ်… အချို့ကားတွေ မီးမပိတ်ထားလို့ ကားပေါ်ကျန်တဲ့သူတွေကို ဆင်းခိုင်းပါတယ်… ကားပေါ်ပြန်တက်လာတော့ ကလေးအမေက ကျေးဇူးတွေတင်လို့…

ကားပေါ်မှာ လူစုံပေမဲ့ ကားကအတော်နဲ့ မထွက်နိုင်သေးပါဘူး… ဘာလို့လည်းပေါ့ နောက်တော့မှ သိလိုက်တာက လမ်းတ၀က်ကတက်လိုက်လာတဲ့ ကုလားလင်မယားနှစ်ယောက် မှတ်ပုံတင်မပါလာလို့ အဲလင်မယားနှစ်ယောက်နဲ့ ကားစပါယ်ယာနဲ့ ဂိတ်မှာခေါ်ထားပြီး ဘာတွေ ရှုပ်နေတယ်တော့ မသိပါဘူး မိနစ်၂၀ လောက်စောင့်နေလိုက်ရတယ်… သူတို့ပြန်တက်လာတော့မှ ခရီးအစဉ်ကို ဆက်လက် ထွက်ခွာခဲ့ပါတယ်… အဲဒီ့လင်မယားနှစ်ယောက် မီးလေးတို့ခုံဘေးက အလယ်ခုံမှာ တယောက်၊ ရှေ့အလယ်ခုံမှာ တယောက် ထိုင်ကြပါတယ်… ထိုင်တာ ပြဿနာမဟုတ်ပေမဲ့ အနံ့တခုကြောင့် အတော်မွန်းကြပ်ခဲ့ရပါတယ်… အဲအနံ့ကတော့ ကွမ်းယာနံ့ပဲ ဖြစ်ပါတယ်… စားလိုက်တဲ့ကွမ်းကလည်း ပြောမပြောချင်တော့ပါဘူး… မီးလေးက အနံ့တွေ allergicရှိလို့ အသက်တောင် မနည်းဝအောင်ရှုနေရတယ်… တော်သေးတယ် အိပ်ပျော်သွားလို့ သက်သာတာ… နို့မို့ဆို မတွေးဝံ့တော့ဘူး…

လမ်းမှာ နှစ်ခါထပ်နားပြီးလို့ ၆နာရီ ၅၀လောက်မှာတော့ ကျောက်ဆည်မြို့မှ လှိုက်လှဲစွာကြိုဆိုပါ၏ဆိုတဲ့ ဆိုင်းဘုတ်ကို ဖြတ်လာပြီး မြို့ထဲကို ၀င်လာခဲ့ပြီး ၇နာရီ ၁၀မိနစ်မှာရောက်ရှိခဲ့ပါတယ်… မန္တလေးကားတွေထဲမှာ အစောဆုံးနဲ့ ပထမဦးဆုံး ၀င်ခဲ့တာ အဲယားကွန်းကလည်း တလမ်းလုံးအေးလို့ အတော့်ကို အဆင်ပြေခဲ့လို့ အပြန်အထွက် ဘိုကင်ပေးခိုင်းလိုက်ပါတယ်… ကားစပါယ်ယာက သူတို့လှမ်းဆက်ပေးမယ် ဒါပေမဲ့ လက်မှတ်တော့ ညနေသွားဖြတ်ဖို့ ပြောပါတယ်… ကားပေါ်ကဆင်းလာတဲ့အခါ တည်းမဲ့သူငယ်ချင်းအိမ်က သူ့အမေလာကြိုတာကို တွေ့လိုက် ရပါတယ်… သူတို့က ၀မ်းသာအားရနဲ့ နွေးထွေးစွာကြိုဆိုခဲ့ကြပါတယ်… မီးလေးတို့ မနက်ပိုင်းနားပြီး ညနေပိုင်းမှာ ကျောက်ဆည် ရွှေသာလျောင်းတောင် တက်မယ်ဆိုပြီး Plan ဆွဲထားတာ နေ့လည်ပိုင်းလောက်မှာပဲ ကိုရွှေမိုးက မီးလေးတို့ သူငယ်ချင်းတွေကို ကြိုဆိုလိုက်တာ ညနေထိ မိုးမတိတ်လို့ အိပ်ယာထဲမှာပဲ တနေကုန် ဇိမ်ခံနေလိုက်ကြပါတယ်… ဒါနဲ့ပဲ ဧပရယ်ဖူးဒေးလ်ကို ကျော်ဖြတ်ခဲ့ရပါတယ်… ဧပရယ်ဖူးဒေးလ်ကို ဘလော့ဂ်ဂါမောင်နှမ သူငယ်ချင်းတွေကို မစလိုက်ရဘူး… နောက်နှစ်မှပဲ ဧပရယ်ဖူးလ်လုပ်တော့မယ်…

ဒုတိယနေ့မှာတော့ မီးလေးသူငယ်ချင်းက မန္တလေးမှာ ဘွဲ့ယူသွားမှာမို့ ကျောက်ဆည်ခဏပြန်ရင်း စင်္ကာပူသွားတော့မှာမို့ မိသားစုတွေ နှုတ်ဆက်ဖို့ ပြန်တာမို့ မန္တလေးကို ဘွဲ့ဝတ်စုံထုတ်ဖို့ မန်းကို တက်ခဲ့ကြပါတယ်… ကျောက်ဆည်-မန်းကားက ဓာတ်ငွေ့ဖြည့်ဖို့ စီအန်လ်ဂျီဆိုင်မှာ တန်းစီလိုက်ပါတယ်… ဒါပေမဲ့ ကားက ရှေ့လည်းမတိုး နောက်လည်းမဆုတ် နောက်တော့မှ ဆိုင်တံခါးပိတ်ထားတာ တွေ့တယ်… ဆိုင်ပိတ်ထားတာ ဘာလို့တန်းစီစောင့်နေတာလဲပေါ့… နာရီဝက်လောက်ကြာတော့ စိတ်မရှည်တော့လို့ ဂိတ်ကို သွားမေးလိုက်တော့မှ တရားခံတွေ့တော့တယ်… ဂက်စ်မရှိလို့ ဖြည့်နေတာ မရသေးဘူးတဲ့… ရတော့ ရတော့မယ် အမတို့ကားအထိဆို မိနစ်၂၀လောက်ပဲ စောင့်ရတော့မှာပါတဲ့… အင်း သူတို့လက်ထဲမှာပဲဆိုတော့ စောင့်ရတော့တာပေါ့… တော်သေးတယ် ခဏနေတော့ ဆိုင်ဖွင့်ပြီး တန်းစီထားတဲ့ ကားတွေကို ဖြည့်ပေးရင်း တဖြည်းဖြည်း မီးလေးတို့ ကားအလှည့် ရောက်လာပါတော့တယ်… သြော် စီအန်လ်ဂျီ ဒုက္ခ xxx

လမ်းမှာ နိုင်ငံခြားသားဧည့်သည်တွေက ဓာတ်ပုံရိုက်ဖို့ပြောလာတာနဲ့ တပျော်တပါး ဓာတ်ပုံရိုက်ခဲ့ကြပါတယ်… မတတ်တခေါက် စပိကင်လေးနဲ့ မိတ်ဆက်ကြပါတယ်… အရမ်းခင်ဖို့ကောင်းတဲ့ ရုရှားအမျိုးသားပြတိုက်မှ နိုင်ငံခြားသားများကို နှုတ်ဆက်ရင်း မန်းဘွဲ့နှင်းသဘင်ကို လျှောက်လာခဲ့ကြပါတယ်… ဘွဲ့နှင်းသဘင်ဘေးက လမ်းကို ၀င်ဝင်ချင်းမှာပဲ ၀တ်စုံသွားထုတ် မယ်ဆိုရင် ကျောင်းသားတွေ တအားကြပ်လို့ တိုးနိုင်မှာမဟုတ်ဘူး… ချလံပေးခဲ့ ညနေကျရင်လာယူ သူတို့ယူထားပေးမယ်ဆိုပြီး ၀ိုင်းပြောလိုက်ကြတာ နောက်ဆုံး ကျွန်မတို့က ခုပြန်ရမှာမို့ ကိုယ်ဘာသာပဲ သွားယူလိုက်တော့မယ်လို့ ပြောတော့ သွားယူ… သွားယူ… ဒီလောက်လူတွေအများကြီးကိုဆိုပြီး ဆောင့်အောင့်ပြီး ပြောဆို ကျန်ခဲ့ကြလေရဲ့… မီးလေးတို့လည်း မကြားချင်ယောင်ဆောင်ပြီး ထွက်လာခဲ့ကြပါတော့တယ်… ၀တ်စုံထုတ်တဲ့နေရာကို ရောက်လာချိန်မှာတော့ သူတို့ပြောသလောက်လည်း လူမကြပ်ပါဘူး… လူတွေကို ရှင်းလို့ သြော် ဒုက္ခ ဒုက္ခ…

ဒီလိုနဲ့ ဟိုနားသွားလိုက် ဒီနားသွားလိုက် ဟိုနား ပိုက်ဆံသွင်းလိုက် ဒီနားပိုက်ဆံသွင်းလိုက်နဲ့ စားပွဲခုံပေါင်းများစွာကို ရှေ့လျှောက်လိုက် နောက်လျှောက်လိုက်လုပ်ရင်း ဘွဲ့ဝတ်စုံရခဲ့ပါတယ်… ရန်ကုန်နဲ့ ကွာခြားချက်တွေကတော့ ဘွဲ့ဝတ်စုံကို တရက်ကြိုပြီးသာ ထုတ်ပေးခြင်း၊ ရီလ်ဟာဆယ် တက်မယူ၍ရခြင်း၊ ရီလ်ဟာဆယ် ရန်ကုန်မှာ တက်ယူရတယ်ဆိုတာ ကားဝင်လက်မှတ်၊ မိဘတွေအတွက် ထိုင်ခုံလက်မှတ်၊ ကျောင်းသာထိုင်ရမယ့် ခုံလက်မှတ်တွေ ပေးတာမို့ ယူကြရပါတယ်… မန်းမှာကြတော့ ဘွဲ့ဝတ်စုံရယ်၊ ကားဝင်လက်မှတ်၊ မိဘတွေအတွက် ထိုင်ခုံလက်မှတ်၊ ကျောင်းသာထိုင်ရမယ့် ခုံလက်မှတ်တွေကို သီးသန့် ထုတ်ပေးခြင်းကြောင့်ပဲ ဖြစ်ပါတယ်…

ပြန်ထွက်လာချိန်မှာတော့ မန်းရဲ့ ရက်စက်လှတဲ့ နေပူဒဏ်၊ လေပူဒဏ်ကြောင့် တကိုယ်လုံးချွေးတွေနဲ့ ရေငတ်လို့နေပါတယ်… ဒါနဲ့ပဲ ဘွဲ့နှင်းသဘင်ရှေ့ လမ်းတဘက်ခြမ်းက ဆိုင်တဆိုင်ကို ၀င်ထိုင်လိုက်ကြပါတယ်… မီးလေးရယ်၊ မီးလေးသူငယ်ချင်းရယ်၊ သူမရဲ့အမေရယ် သုံးယောက်က ရွှေရင်အေး အေးအေးလေးသုံးခွက်နဲ့၊ နောက်သူငယ်ချင်းတယောက်က မြီးရှည်မှာလိုက်ကြပါတယ်… ရွှေရင်အေး အရင်လာချပေးပါတယ်… ကြည့်လိုက်တော့ မုန့်လက်ဆောင်းဖက်တောင်မပါ တပန်းကန်လုံး အုန်းနို့ရည်နဲ့ ရေခဲချဉ်းပဲ… ကျောက်ကျောလေး သုံးတုံးလောက်နဲ့ နောက်ပန်းရောင် ဘာခေါ်လည်းတော့ မသိဘူး အဲဒါလေးနည်းနည်းနဲ့ အုန်းသီးနဲ့… မီးလေးကလည်း ဂျီးထူထူနဲ့ဆိုတော့ ဒါလား ရွှေရင်အေးပေါ့ မြီးရှည်မှာတဲ့ သူငယ်ချင်းက ပေါင်မုန့်ထည့်ဖို့ သူတို့မေ့နေလား မသိဘူးတဲ့… မီးလေးတို့လည်း ရေဆာဆာ၊ နေပူပူနဲ့ ရေခဲတုံးတွေပဲ တကျွတ်ကျွတ် ၀ါးလိုက်တာပေါ့… အားလုံးစားသောက်ပြီးလို့ ရှင်းမယ်ဆိုပြီး ခေါ်လိုက်ပါတယ်…

ရွှေရင်အေး သုံးခွက်က နှစ်ထောင့်တစ်ရာ မြီးရှည်က ငါးရာ အားလုံး နှစ်ထောင့်ခြောက်ရာတဲ့… ဒါနဲ့ မီးလေးလည်း မနေနိုင်တော့ဘူး ထပြောဖြစ်ကော… မြီးရှည်က အများကြီးလည်းရတယ် ဒါကျ ငါးရာပဲကျပြီး ရွှေရင်အေး ဘာမှမပါတာကျတော့ ခုနစ်ရာဟုတ်လားလို့လည်း ပြောလိုက်ရော မီးလေး သူငယ်ချင်းက“အေးလေ… ပေါင်မုန့်လည်း မပါဘူး”လို့ ၀င်ပြောတယ်… ကျေးဇူးရှင်က ဘာပြန်ပြောတယ်ဟုတ် ပေါင်မုန့်က ရွှေရင်အေးမှာ မထည့်ရဘူး… မုန့်လက်ဆောင်းတို့၊ ရေခဲသုပ်တို့မှာမှ ထည့်တာတဲ့လေ… “ထားပါတော့ ပေါင်မုန့်မပါရင်တောင် တခြားနည်းနည်းပါးပါးတော့ ပါသင့်တာပေါ့” လို့ပြောတော့ သူတို့ ရွှေရင်အေးက သူများနဲ့မတူဘူး အုန်းနို့နဲ့လုပ်ထားတာ အုန်းနို့က ဈေးကြီးတယ်တဲ့… “အမ်… ဘယ်လို ဘယ်လို ရွှေရင်အေးကို အုန်းနို့နဲ့ မသောက်လို့ ဘာနဲ့သောက်ရမှာလဲ”မေးပြီး ဆက်မပြောချင်တော့လို့ အောင့်သီးအောင့်သက်နဲ့ ပိုက်ဆံရှင်းပြီး ပြန်လာခဲ့တော့တယ်… ထားပါတော့ အုန်းနို့ဈေးကြီးလည်း တခြားဟာပါရင် တော်သေး… ပါတော့ပါပါရဲ့ ရေခဲတုံးတွေချည်း… ရန်ကုန်မြို့ထဲ ဗိုလ်ချုပ်ဈေးနားမှာ သောက်ရင်တောင် မုန့်လက်ဆောင်း၊ ကျောက်ကျော၊ သာကူ၊ ကောက်ညှင်း၊ အုန်းနို့၊ အုန်းသီး၊ ကျောက်ကျောရောင်စုံ၊ ပေါင်မုန့် အားလုံးပါတာမှ ငါးရာပဲ ပေးရတာ… တခြား မြို့နယ်တွေထဲမှာတောင် နှစ်ရာ၊ သုံးရာပဲ ပေးရတယ်…အုန်းနို့ ဈေးကြီးတဲ့အကြောင်းနောက်မှ ဆက်ပြောပြမယ်… မန်းက အသိတွေပြောပြတော့ နင်တို့ကို နှပ်လိုက်တာတဲ့၊ ငါတို့ လာမခေါ်လို့ဖြစ်တာဆိုပြီး ၀ိုင်းနောက်ကြပါရောလား…

မီးလေးတို့လည်း အနှပ်ခံရတောင်နည်းသေးတယ်… မီးလေးတို့ လူတိုင်း ယောက်ျားဖြစ်ဖြစ်၊ မိန်းမဖြစ်ဖြစ် ဈေးမေးပြီးမှ ၀ယ်တတ်ကျပါတယ်… လူတိုင်း တခုကို ၀ယ်ရင်တော့ ဈေးမမေးကြပါဘူး… အဲဒါဘာလဲဆိုတော့ စားသောက်တဲ့ ကိစ္စမှာပါပဲ… ဈေးနှုန်းရေးထားတဲ့ ဆိုင်တွေမှာသာ ဘယ်ဟာ ဘယ်ဈေးဆိုပြီး ရေးထားတာတွေ့လို့ ကို့ပါတဲ့ ပိုက်ဆံနဲ့ ချိန်ပြီး သင့်တော်ရာ မှာစားကြပါတယ်… မရေးထားတဲ့ ဆိုင်တွေဆို မှာချင်တာမှာပြီး စားပြီးမှသာ ဘယ်လောက်ကျလဲ မေးတတ်လေ့ ရှိကြပါတယ်… မနက်မိုးလင်းလို့ မုန့်ဟင်းခါးဆိုင်၊ လက်ဖက်ရည်ဆိုင် ထိုင်လိုက်တာနဲ့ ကိုယ်ကြိုက်တာမှာပြီး စားပြီးမှ မတန်လိုက်တာဆိုပြီး ပြောကြတဲ့ အသံမကြာခဏဆိုသလို ကြားနေရပါတယ်… စားပြီး မတန်ရတာမျိုး မဖြစ်ရအောင် ဈေးမေးပြီးမှ စားသင့်ပါကြောင်း ပြောကြားရင်း ပထမပိုင်းကို ဒီမှာတင် ရပ်နားလိုက်ပါတယ်… လက်ဆောင်တွေကိုလည်း အချိန်ရရင် ရသလို တင်ထားပေးပါမယ်နော်… အမှားပါရင်လည်း ခွင့်လွတ်ပေးကြပါလို့… အထူးသဖြင့် မန်းသူ/သားများ အားလုံးကို ကြိုတင်ပြီး တောင်းပန်ပါရစေ… မီးလေးကြုံခဲ့ရတာတွေ တင်ပြခြင်းဖြစ်၍ နားလည်ခွင့်လွတ်ပေးကြပါနော်…

မင်္ဂလာနှစ်သစ်

ဒီနေ့ မြန်မာနှစ်ဆန်းတစ်ရက်နေ့မှာ အားလုံး ပျော်ရွှင်ချမ်းမြေ့ သာယာအေးချမ်းပြီး ကျန်းမာချမ်းသာ၊ လိုရာဆန္ဒအအ၀၀ ပြည့်စုံနိုင်ကြပါစေ...

မီးလေးက ခရီးဆက်နေတုန်းနော်၊ အိမ်ပြန်အရောက်သေးဝူး..ဟီးဟီး
ပြန်ရောက်မှ post တွေ အတိုးချပြီး တင်တော့မယ်နော်..
လာအားပေးကြဦးနော်..

မီးလေးအားလုံးကို သတိရနေပါတယ်...

ခရီးသွားမည်

မီးလေး ၃၁ရက်နေ့ညကားနဲ့ ကျောက်ဆည်ကို ခရီးထွက်ဖို့ ရှိပါတယ်... ပြန်လာရင် မုန့်ဝယ်ခဲ့မယ်... ၅ရက်နေ့ပြန်ရောက်မယ်ရှင့်... ပြန်
လာမှပဲ ပို့စ်တွေ ပေါင်းတင်တော့မယ်... ဒီရက်ပိုင်း အိမ်ပြောင်းတာ ရွှေ့တာနဲ့ နည်းနည်းရှုပ်နေလို့..

ရပ်ကွက်ဈေးတွင်း တနေရာဝယ်…

ခုတလော စာရေးသူ ငြိမ်ချက်သားကောင်းဆို ဘလော့ဂ်အိမ်ယာလေးတောင် မရောက်တာကြာပေါ့… ကြာဆို ဘယ်လောက်များလဲလို့ ကိုယ်တင်ထားတဲ့ပို့စ် နှစ်ခေါက်တက်နေမှန်းတောင် မသိဘူး… funflakes ဖုန်းလှမ်းဆက်မှ သိတယ်… ကောင်းရော စာရေးသူပို့စ်တင်ပြီးတော့ Refresh လုပ်ပြီးကြည့်တုန်းကတောင် တခုတည်းတွေ့လို့ မတက်ဘူးအောက်မေ့တာ ပို့စ်တက်သွားတာနဲ့ အိမ်ကို တချိုးတည်း ပြန်လာတာလေ… ကိုးနတ်ရှင် ကျသွားလို့ publish Pots လုပ်ရတာလည်း အကြိမ်ပေါင်းများစွာ တော်သေးတယ် နှစ်ခါထပ်ပဲမို့ နို့မဟုတ်ရင် စာရေးသူတော့ ကျိန်ဆဲခံထိလိမ့်မယ်… ချစ်ဘွားဘွား တီခွန်မြလှိုင်နဲ့ ချစ်တယ်ရင်း ခွန်လင်းချစ်သူတို့လေ…

စာရေးသူ အားနေလို့ မိခင်နှင့်အတူ မနက်ဆို ဈေးလိုက်ပြီး ဈေးခြင်းတောင်း လိုက်ဆွဲပေးနေတယ်လေ… ပြောမယ်ဆို ကုန်ကြမ်းမရှာဘဲနဲ့ ရတယ်ဆိုပါတော့… ၀တ္ထုကလည်း ရေးနေရင်း မုစ်သွင်းမရလို့ စာနှစ်မျက်နှာနဲ့ ရိုက်ထားလက်စ ဆိုတော့ ပို့စ်သစ်လည်း တင်ဖြစ်အောင် ရပ်ကွက်ဈေးတွင်း တနေရာဝယ်ဆိုတဲ့ ဇာတ်လမ်းတိုလေးများအား အလျဉ်းသင့် သလို ဖော်ပြပေးသွားမှာ ဖြစ်ပါတယ်… နိဒါန်းပျိုးတာ များသွားပြီ ဇာတ်လမ်းက ခုမှစမှာ…

ဈေးတွင်း တနေရာဝယ် အိမ်ရှင်မနှစ်ဦးတို့ မျက်နှာချင်းဆိုင် ဆုံကြရာ ပြုံးပြနှုတ်ဆက်ရင်း
“ဘာဝယ်ပြီးပြီလဲ”
“မရသေးပါဘူးဟယ်…. တနေ့တနေ့ ဈေးလာရတာ ဦးဏှောက်ခြောက်တယ်… အိမ်က ဟာကြီးကလည်း ချေးထူတော့ ဈေးဝယ်ရတာ ခက်တယ်ကွ… ဒါနဲ့ ရှင်ရော ဘာရလဲ”
“ငါတော့ ဦးဏှောက်ခြောက်သိပ်မခံဘူး အဆင်ပြေသလိုပဲ ဆိတ်သားနဲ့ပဲဟင်းပဲချက်ပေးလိုက်မလားလို့ ဆိတ်သားတော့ ၀ယ်လာတယ်”
ခြင်းထဲမှာတော့ ဆိတ်သားနဲ့တူတဲ့ အသား ဘာသားမှမတွေ့ရ ဒါပေမဲ့ နာမည်တူပြီး ကုန်းနဲ့ရေ ကွာတဲ့ဆိတ်တော့ တွေ့ပါရဲ့ ရေဆိတ်တွေ(ကန်စွန်းရွက်) ထိုးထိုးထောင်ထောင်နဲ့ မမြင်ချင်ယောင်ပဲဆောင်လိုက်ပါတယ်။
“ဆိတ်သား ၀ယ်လာတယ်ဆိုရင် မဆလာကောင်းကောင်းလေးအုပ်မှ မွှေးတာ ဟိုဘက်နားက ကုလားဆိုင်မှာ ဆိတ်သားချက်ဖို့ဆိုပြီး မဆလာဝယ်လို့ရတယ် ထုပ်ရောင်းတာတွေနဲ့ တခြားစီပဲ နံနံစေ့တို့ ဘာတို့နဲ့ သေချာစပ် ပေးတယ်”
“အမယ်လေး ရှင်ကလည်း ပင်ပန်းခံလို့ ခုတီဗွီမှာ ကြော်ငြာတာလေ xxx မဆလာတို့၊ xxx မဆလာတို့ အသင့်တောင် ချက်လို့ရသေး ထောင်းစရာတောင်းမလိုဘူး”
“အဲလိုလည်း ဘယ်ဟုတ်မလဲ တော်ကလည်း ကြော်ငြာပါဆိုမှ သူတို့ ပစ္စည်းရောင်းကောင်းအောင် ကြော်ပြီး ညာနေတာတော့်”
“ဒါပေမဲ့ အဲဒါတွေကတော့ မညာလောက်ဘူး ထုတ်ပိုးတာကအစ သေသေသပ်သပ်ပဲ၊ ပါဝင်တဲ့ ပစ္စည်းတွေလည်း ရေးထားတယ်”
“ပစ္စည်းကို အပြင်ပန်းက ကြည့်ပြီး သုံးသပ်ရင်မှားမှာပေါ့ သေသေသပ်သပ် ထုတ်ပိုးထားတယ်ဆိုတာက သုံးစွဲသူကို စွဲဆောင်တာ မလှမပထုတ်ထားရင် ဖက်နဲ့ထုတ်ထားတယ် ဆိုပါတော့ ဘယ်သူက ၀ယ်ချင်မှာလဲ… နောက်ပြီး ပါဝင်တဲ့ ပစ္စည်းဆိုတာကလည်း ကိုယ်သိတာမှ မှုတ်တာ အဲမှာရေးထားတဲ့ ပါဝင်ပစ္စည်းအချိုးအစားအတိုင်း တထုပ်ချင်းစီ လိုက်ထည့်နိုင်ပါ့မလား… အားလုံးရောသမမွှေထားပြီးသားကိုမှ ပါကင်ထုတ်လိုက်တာလေ… ဒီအချိုးအစားအတိုင်း ရှိတယ်လို့ သေချာတပ်အပ် သိလို့လား… ပြီးတော့ ဆိုင်တွေမှာ ရောင်းမထွက်လို့ ဘယ်လောက်ကြာထားမှန်းလည်း မသိ… ကြော်ငြာတိုင်း ကောင်းတာမဟုတ်ဘူး… ၀ယ်တော့မယ်ဆိုရင် သေသေချာချာ စဉ်းစားပြီးမှ သုံးစွဲတာ ကိုယ့်မိသားစု ကျန်းမာရေးကို စောင့်ရှောက်ပြီးသား ဖြစ်တာပေါ့”
“ရှင်ပြောတော့လည်း ဟုတ်သလိုလိုပဲ”
“ဟုတ်တယ်ရှင့် တီဗွီမှာ ကြော်ငြာတိုင်း ကောင်းတာမှုတ်ဘူး… တချို့တလေ ကောင်းပေမဲ့ တချို့တလေ မကောင်းပြန်ဘူး… ကောင်းတယ်ဆိုပြီး သုံးစွဲသူတွေလည်း များလာရော နာမည်ရသွားလို့ အရည်အသွေးညံ့သွားရော… ဆပ်ပြာမှုန့်တွေ ကြည့်ပါလား… သူတို့ပြောသလိုကောင်းတော့ ကောင်းပါရဲ့ တချို့တလေကျ အရည်အသွေးညံ့သွားတယ်လေ… တခါတရံမှာ ကြော်ငြာမထားတဲ့ ပစ္စည်းက ကြော်ငြာထားတဲ့ ပစ္စည်းထက် ပိုပြီးကောင်းနေတတ်တယ်လေ…”
“တော်ပြောမှပဲ ကျူပ်သဘောပေါက်တော့တယ်…”
“ဘာပဲသုံးသုံး သန့်ရှင်းလတ်ဆတ်တဲ့ အစားအစာတွေ သုံးစွဲသင့်တာပေါ့… အသင့်စား အစားအသောက်သုံး ကုန်ပစ္စည်းတွေမှာ ကြာရှည်ခံအောင် ဓာတုဗေဒပစ္စည်းတွေပါလို့ အမြဲ မစားသုံးသင့်ဘူးလေ… ကြာရင် ကိုယ့်ကျန်းမာရေးပဲ ထိခိုက်မှာ”
“အမေ တဈေးလုံး ပတ်ရှာလိုက်ရတာဗျာ… ထမင်းချိုင့်ထည့်ဖို့ ကျောင်းနောက်ကျနေပြီဗျ”.
“သား ဈေးခြင်းယူပြီး အိမ်အရင်ပြန်နှင့် အိမ်ရောက်ရင် ကန်စွန်းရွက်ဆိတ်ပြီး ရေဆေးထားလိုက် အမေ ကြက်သွန်ဖြူ ၀ယ်ပြီး လာခဲ့မယ်”
ကလေးရဲ့ ရှုံ့တွစူပုပ်နေတဲ့ မျက်နှာနဲ့ ပြန်သွားတာကိုကြည့်ရ့င်း..

ရ့င်လန်းချမ်းမြေ့ကြပါစေ

နေကောင်းပြီ

တီတီခွန်မြလှိုင်နဲ့ ခွန်လင်းချစ်သူရေ ခုလို အကြံပေးတာ ကျေးဇူးတင်ကြောင်းပါ... ပြောရရင်တော့ မီးလေးရဲ့ မကောင်းတဲ့ အကျင့်ပဲ ပြောရမလားပဲ... သူများနဲ့မတူအောင် လုပ်ချင်တာလေ ယနဲ့သတ်တာက အများတကာသုံးနေတော့ ပိုပြီးထူးခြားအောင် ရနဲ့သတ်သုံးတာလေး... -း ကို တခြားပုံစံသုံးသလိုပေါ့... မီးလေး စာတွေကို ယနဲ့သတ်ပြီး ရေးပေးပါ့မရ်ရှင်... နောက်များလည်း လိုအပ်တာရှိရင် ဝေဖန်ပေးကြဦးနော်...

မီးလေး တူမလေးကို ၀ိုင်းပြီးမေးကြတဲ့ စာဖတ်သူများကို အထူးပင်ကျေးဇူးတင်ရှိပါကြောင်းနှင့် စာဖတ်သူတို့၏ ၀ိုင်းဆုတောင်းပေးမှုကြောင့် ထူထူထောင်ထောင်ဖြစ်လာပါကြောင်း....
၎ရက်နေ့က ဆေးရုံမှ ဆင်းခဲ့ပါသော်လည်း တနေ့တည်းနှင့် သတိလစ်ကာ လေးကြိမ်လောက် တက်နေခဲ့ပါကြောင်း...
ဆေးများသောက်သော်လည်း သိသိသာသာ တိုးတက်မှုမရှိပါကြောင်း...
ယခုအခါ သူငယ်နာဟု အများကပြောကြသဖြင့် မြန်မာဆရာနှင့်ပါ တွဲ၍ ကုသနေရပါကြောင်း...
ပထမရက် ကုသပြီးသည့်နောက်ပိုင်းတွင် သတိလစ်ပြီး တက်ခြင်း မရှိတော့ပါကြောင်း...
မျက်ကြောမှိတ်၍သာ အနည်းငယ် တက်ခြင်းသာ ရှိတော့ပါသည်.....

အားလုံးကို ကျေးဇုးတင်လျက်

နှုတ်ခွန်းဆက်သခြင်း

သူငယ်ချင်းတွေဆီ လာမလည်နိုင်တာ အတော်တောင် ကြာနေပီပဲ... မီးလေး ခုလက်ရှိအလုပ်က ထွက်ပြီး အိမ်မှာ အိပ်လိုက် စားလိုက် အနားယူနေ တရ်လေ... တကယ့်ကို ဇိမ်ပဲ... အဲလို မနေရတာလည်း ကြာနေပြီလေ... အိမ်မှာ အင်တာနက်သုံးလို့ မရလို့ အရင်လို သူငယ်ချင်းတွေဆီ နေ့တိုင်း မလာဖြစ်တော့ဘူးရှင့်... တကယ်ပါ လိမ်ပြောပါဘူး... သူငယ်ချင်းတွေကို အရမ်းသတိရပြီး လွမ်းနေတရ်... ဘလော့ဂ်လေးကိုလည်း လွမ်းနေတရ်ရှင့်... ဘလော့ဂ်လေးကို မနှုတ်ဆက်ချင်လို့ အားရင်အားသလိုတော့ ပို့စ်တွေတင်ဖို့ စဉ်းစားထားတရ်... အင်တာနက်ဆိုင်က တင်ရတာ လွယ်တာမှုတ်ဖူး... ၀င်ငွေက ရှိတော့ဘူး ထွက်ငွေများရင် မေမေဆူလိမ့်မရ်ရှင့်... ဒီနေ့မနက်တော့ ထီသည်ကားဖြတ်သွားရင်း သင်္ကြန်သီချင်းဖွင့်သွားတာ သင်္ကြန်တောင် ရောက်တော့ မှာပါလားဆိုတဲ့ အတွေးနဲ့အတူ သူငယ်ချင်းတွေရော သင်္ကြန်ဘာအစီအစဉ်ရှိလဲလို့ သိချင်လာတရ်လေ...

ဒါနဲ့ ပို့စ်တင်ပြီး သင်္ကြန်ဘာအစီအစဉ်ရှိလဲလို့ သိချင်လို့ မီးလေးဆီ လာတဲ့ ဘော်ဘော်တွေအားလုံး ဖြေပေးကြဦးနော်... မီးလေးက ဒီနှစ်သင်္ကြန်ကို မိသားစုနဲ့ မန္တလေးမှာကျဖို့ စီစဉ်နေတရ်ရှင့်... မန္တလေးရောက်ရင် မန္တလေးဘလော့ဂ်ဂါတွေလည်း လိုက်ချောင်းရင်းပေါ့... ဟဲ...ဟဲ
ပျော်ရွှင်စွာ သင်္ကြန်ပွဲဆင်နွှဲရင်း နှစ်သစ်ကို ကြိုဆိုကြပါစို့လား.........

ခုရက်ပိုင်းအတွင်း အိမ်မှာ ၀တ္ထုရေးနေတရ်ရှင့်... ပြီးရင် အပိုင်းလိုက် ပို့စ်တင်ဖြစ်မှာမို့ မကြာခင် လာမည် မျှော်