သီတင်းကျွတ်မို့လို့ မီးလေးဖတ်ဖူးတဲ့ ဟာသလေးတင်ပြလိုက်ပါတယ်။
မြို့လေးတစ်မြို့ရဲ့ ဈေးတစ်ခုမှာ ရွာကနေ နွားတစ်ကောင်ကိုဆွဲပြီး ဦးရိုးဆိုတဲ့ လူတစ်ယောက်ဟာ သူ့ရဲ့နွားမကို ၄င်းဈေးမှာရောင်းသတဲ့။ ဈေးသာကွဲလာတယ် သူ့နွားမကို လာမေးမယ့်လူတောင် မရှိဘူးဖြစ်နေတယ်။ ဒီအဖြစ်အပျက်ကို အနီးအနားမှာရှိတဲ့ အဘိုးကြီးတစ်ယောက်က ကြည့်နေတယ်။ နောက်မနေနိုင်တဲ့အဆုံး မင်းနွား ငါရောင်းပေးမယ်လို့ပြောလိုက်တယ်။ ဒါနဲ့ အဲဒီ့အဘိုးကြီးက
“ဒီနွားမဟာ သခင်အပေါ် ပါးနပ်လိမ္မာသလို အလုပ်လည်း ကောင်းကောင်းခိုင်းလို့ရတယ်။ နို့လည်း ကောင်းကောင်းထွက်တယ်။ ကျွန်တော့်ပိုက်ဆံ လိုလို့သာ ရောင်းရတယ်။ နောက်သုံးလလောက် ဆိုရင် နွားသားလေးတစ်ကောင် မွေးပေးပါလိမ့်မယ်” လို့ အော်ပြောတဲ့အခါ အလုအယက်လာဝယ်ကြတယ်။ ဦးရိုးဟာ အဲအဘိုးကြီးပြောတဲ့ စကားတွေကို မှတ်ထား လိုက်တယ်။
နောက်နှစ်နှစ်ကြာတဲ့အခါမှာ ဦးရိုးရဲ့ တစ်ဦးတည်းသမီးလေး အရွယ်ရောက်လာလို့ အိမ်ထောင်ပြု ပေးရမယ့် အချိန်ရောက်လာတယ်။ အနီးအနားရွာနီးချူပ်စပ်က ရွာသားတွေကို သတို့သားအဖြစ် ရွေးဖို့ ကမ်းလှမ်းလိုက်သတဲ့။ ဒါနဲ့ပဲ ကာလသားလူပျိုတွေဟာ သူတို့တွေရဲ့ မိဘနဲ့အတူ ဦးရိုးအိမ် ကို လာခဲ့ကြတယ်။ လူလည်းစုံရော ဦးရိုးဟာ သူ့နွားမကိုရောင်းပေးတဲ့ အဘိုးကြီးရဲ့စကားကို မှတ်ထားပြီး ပြန်ပြောလိုက်တာက “ကျွန်တော့်သမီးဟာ လိမ္မာယဉ်ကျေးပြီး လင်သားအပေါ် သစ္စာရှိတဲ့ မိန်းကလေးပါ၊ နို့ထွက်လည်း အရမ်းကောင်းပြီး နောက်သုံးလကြာရင် ချစ်စရာကလေး တစ်ယောက်မွေးပေးပါလိမ့်မယ်” လို့ ဂုဏ်ယူဝင့်ကြွားစွာနဲ့ ပြောလိုက်တယ်။
ဦးရိုးရဲ့ စကားအဆုံးမှာ ဧည့်သည်အားလုံးပြန်သွားကြပြီး ဦးရိုးရဲ့ဇနီးနဲ့ သမီးခဗျာ ငိုပွဲဆင်ကြပါသတဲ့။
No comments:
Post a Comment